“Нутгийн захиргааны байгууллагын бүтэц, зохион байгуулалтын шинжилгээ” сэдэвт суурь судалгааны үр дүнгийн хэлэлцүүлэг
Баримт
-
Нэр
-
“Нутгийн захиргааны байгууллагын бүтэц, зохион байгуулалтын шинжилгээ” сэдэвт суурь судалгааны үр дүнгийн хэлэлцүүлэг
-
Өөр гарчиг
-
Удирдлагын академийн Төрийн захиргааны тэнхимийн профессор Я.Бямбаяр багшийн удирдаж буй “Нутгийн захиргааны байгууллагын бүтэц, зохион байгуулалтын шинжилгээ” сэдэвт суурь судалгааны үр дүнгийн хэлэлцүүлэг 10 дугаар сарын 29-ний /Лхагва гараг/ өдрийн 10:00 цагт хичээлийн төв байрны 215 тоот танхимд цахим, танхим хосолсон хэлбэрээр болох тул Та бүхнийг хүрэлцэн ирэхийг урьж байна.
-
Огноо
-
2025-10-29
-
Товч тайлбар
-
Суурь судалгааны үр дүнгийн хэлэлцүүлэг боллоо
Удирдлагын академиас эрхлэн гүйцэтгэж байгаа “Нутгийн захиргааны байгууллагын бүтэц, зохион байгуулалтын шинжилгээ” сэдэвт судалгааны үр дүнгийн хэлэлцүүлгийг 2025 оны 10 дугаар сарын 29-ний өдөр зохион байгууллаа.
Судалгааны багийн ахлагч, доктор, проф. Я.Бямбаяр судалгааны явц, үр дүнгийн талаар танилцуулав. Оролцогчид судалгааны агуулга, дүгнэлтийн талаар болон төв, орон нутгийн харилцаа, чиг үүргийн хуваарь, хууль тогтоомжийн өөрчлөлт зэрэг өргөн хүрээтэй олон асуудлаар сонирхсон асуултдаа хариулт авч, санаа бодлоо илэрхийллээ.
Хэлэлцүүлэгт төрийн захиргааны төв болон нутгийн захиргаа, нутгийн өөрөө удирдах байгууллагын албан хаагчид, Удирдлагын академийн багш, судлаачид, докторантууд, сонирхсон бусад хүмүүс танхимаар болон цахимаар оролцов.
Оролцогчид энэхүү судалгааг практикийн чухал ач холбогдолтой болохыг тэмдэглээд цаашид судалгааны үр дүнг төр, засгийн шийдвэрт тусгах талаар шийдвэр гаргагчид, судлаачид аль аль нь анхаарч байх шаардлагатайг хэлж байлаа.
Судлаачид судалгааны үр дүнг эцэслэн нэгтгээд Удирдлагын академийн Эрдмийн зөвлөлөөр хэлэлцүүлэх бөгөөд энэ ондоо багтаан хэвлүүлж нийтийн хүртээл болгох юм.
-
Агуулга
-
Хурал зөвлөгөөн, уулзалт
