219 items

• Эртэч хүн өглөөний ажил хэрэгч уулзалтын Зочин илтгэгч: Хурцын Оюунцэцэг "Үр дүнд суурилсан төрийн захиргаа: хэрэгжилт, тулгамдсан асуудал"сэдвээр ярилцлага өрнүүлэв.
  
  Лекц, илтгэл
• Мэндчилгээ
  
  Багш нарын баярын мэндчилгээ
• Түүхэн замнал
  
• Эртэч хүн өглөөний уулзалт
  
  Хиймэл оюун ухааны хэрэглээний талаарх туршлага, мэдлэгээ хуваалцлаа Удирдлагын академийн номын сангаас зохион байгуулдаг “Эртэч хүн” өглөөний ажил хэрэгч уулзалт өнөөдөр буюу 2026 оны 09 дүгээр сарын 15-ны өглөөний 07:00 цагт Академийн төв байрны 215 тоот танхимд боллоо. Энэ удаагийн уулзалтад 70 хүн оролцов. Уулзалтаар “AI хэрэглээний туршлага: Солонгост зорчсон тэмдэглэлээс” сэдвийн хүрээнд БНСУ-д зорчсон туршлага, хиймэл оюун ухааны хэрэглээний талаарх мэдлэг, туршлагаа хуваалцлаа. Зочин илтгэгчээр: Төрийн захиргааны тэнхимийн дэд профессор Т.Билэгсайхан Бодлого, улс төр судлалын тэнхимийн ахлах багш М.Мөнхжаргал Улсын салбарын удирдлагын тэнхимийн багш Л.Ариунболд нар оролцож, сэдвийн хүрээнд илтгэл, танилцуулга хийв. Илтгэл, танилцуулгын үеэр хиймэл оюун ухааны (AI) практик хэрэглээ, түүнийг хувийн болон албан ажлын бүтээмж, сургалт, судалгаанд үр дүнтэй ашиглах боломжийн талаар мэдээлэл хүргэж, оролцогчдын асуултад хариулан санал солилцов. Уулзалтын үеэр уламжлал ёсоор өглөөний цайгаа хамтдаа ууж, оролцогчид мэдлэг, туршлагаа хуваалцан, ажил хэрэгч, халуун дотно уур амьсгал бүрдүүлэв. “Эртэч хүн” өглөөний уулзалт нь мэдлэг, туршлага солилцох, судалгаа, бүтээлийг түгээн дэлгэрүүлэх, мэдлэг хуваалцах соёлыг дэмжих зорилготойгоор тогтмол зохион байгуулагддаг.
• Удирдлагын академийн 2026-2027 оны хичээлийн шинэ жилийн нээлт боллоо.
  
  2026 оны 7 дугаар сард Удирдлагын академийн А3 клубын 6 гишүүн Алтай таван богдын Хүйтэн оргилд амжилттай гарсан. Өнөөдөр уг тугийг хичээлийн шинэ жилийн нээлтийн үеэр Академийн хамт олондоо хүндэтгэлтэйгээр гардуулан өглөө. Мөн Тулгар төр байгуулагдсаны түүхт 2235, Их Монгол Улс байгуулагдсаны 820, Үндэсний эрх чөлөө, тусгаар тогтнолоо сэргээн мандуулсны 115, Ардын хувьсгалын 105 жилийн ойг тохиолдуулан эрхэлсэн ажил, салбартаа өндөр амжилт гарган, төрийн албаны сургалтын тогтолцоог олон улсын жишигт нийцүүлэн хөгжүүлж, төрийн албан хаагчийн мэдлэг, чадавхийг бэхжүүлэх, төрийн бодлого, удирдахуйн ухааны эрдэм шинжилгээ, судалгааны их үйлсэд үнэтэй хувь нэмэр оруулсан дараах хүмүүсийг Монгол Улсын төрийн одон медалиар шагналаа. Алтангадас одонгоор: Сургалтын бодлого, зохицуулалтын газрын дарга Ц.Энхмандах, Хөдөлмөрийн хүндэт медалиар: Номын сангийн эрхлэгч Ч.Мөнх-Эрдэнэ нарыг тус тус шагнагдлаа.
• Сургалт арга зүйн семинарын боллоо Удирдлагын академид сургалт, судалгаа, зөвлөх үйлчилгээний хөгжлийн чиг хандлагыг хэлэлцлээ
  
  Үйл ажиллагааг Сургалтын бодлого, зохицуулалтын газрын дарга Ц.Энхмандах нээж, семинарын зорилго, хөтөлбөрийг танилцууллаа. Семинарын үеэр Удирдлагын академийн захирал Д.Байгал байгууллагын үйл ажиллагааны өнөөгийн байдал, цаашдын хөгжлийн зорилтын талаар мэдээлэл өгсөн юм. Хэлэлцүүлгийн хүрээнд Төрийн захиргааны тэнхимээс “Удирдлагын академид хиймэл оюуныг нэвтрүүлэх боломж, сорилт”, Бодлого, улс төр судлалын тэнхимээс “Оюуны өмчийн зохистой хэрэглээний онцлог”, Эрх зүйн тэнхимээс “Цахим контентын оюуны өмч: Шүүхийн хэрэглээ” сэдвээр илтгэл танилцууллаа. Мөн Улсын салбарын удирдлагын тэнхимээс сургалтын арга зүйг сайжруулах чиглэлээр, Эдийн засаг, санхүүгийн удирдлагын тэнхимээс байгууллагын хэрэгцээнд суурилсан захиалгат сургалтын чанар, хүртээмж, үр дүнгийн асуудлаар, Хүний нөөцийн удирдлагын тэнхимээс зөвлөх үйлчилгээний онцлог, хөгжүүлэх боломжийн талаар тус тус мэдээлэл хүргэв. Үдээс хойших хуралдаанаар Мэдээллийн технологийн албанаас Академийн мэдээллийн нэгдсэн систем, сүлжээний аюулгүй байдлын талаар танилцуулж, Номын сангаас Академийн цахим сан хөмрөгийн бүрдүүлэлт, ашиглалтын өнөөгийн байдлыг танилцууллаа. Семинарын төгсгөлд оролцогчид санал бодлоо солилцож, сургалт, судалгаа, зөвлөх үйлчилгээний чанар, үр нөлөөг нэмэгдүүлэх, дижитал технологийн хэрэглээг өргөжүүлэх, байгууллагын хамтын ажиллагааг сайжруулах чиглэлээр санал, зөвлөмжүүдийг хэлэлцэв. Арга хэмжээг Удирдлагын академийн захирал Д.Байгал дүгнэж, цаашдын үйл ажиллагаанд шинэ санал, санаачилгыг тусган ажиллахын чухлыг онцлон тэмдэглэлээ.
• “Төрийн захиргаа” ном хэвлэгдэн гарлаа
  
  “Төрийн захиргаа” шинэ бүтээлийн нээлтийн ажиллагаанд Конрад Аденаур сан, Койка зэрэг олон улсын байгууллагуудын төлөөлөл, Монгол Улсын төрийн байгууллагууд болон төрийн удирдлага, төрийн захиргааны чиглэлээр мэргэжилтэн бэлтгэдэг томоохон их, дээд сургуулийн багш нар, Төрийн удирдлага, Бодлого судлалаар докторын зэрэг хамгаалуулах зөвлөлийн гишүүд, Удирдлагын академийн багш, судлаачид, магистрант, докторантууд, хэвлэл мэдээллийн байгууллагын төлөөлөл өргөнөөр оролцов.
• Авлигатай тэмцэх бодлогыг институтчилэх нь: Монгол Улс болон БНСУ-ын жишээ
  
• Дотоод аудит байгууллагад хэрхэн үнэ цэн нэмдэг вэ? туршлага, сургамж
  
  "Эртэч хүн" өглөөний ажил хэрэгч уулазлт
• “Улаанбаатар марафон-2026” олон улсын гүйлтийн тэмцээнд амжилттай оролцов
  
  Хамт олноо төлөөлөн оролцсон нийт багш, ажилтан, гүйгчиддээ халуун баяр хүргэж, спортын өндөр амжилт, эрүүл энх, сайн сайхан бүхнийг хүсэн ерөөе. “Улаанбаатар марафон-2026” бүх нийтийн спортын арга хэмжээний энэхүү оролцоог А3 Академи хайкинг клубээс санаачлан зохион байгуулсан бөгөөд Удирдлагын Академийн удирдлагын зүгээс дэмжлэг үзүүлсэнд талархал илэрхийлье. Цаашид эрүүл, идэвхитэй амьдралын хэв маягийг түгээн дэлгэрүүлж, хамт олны эерэг соёлыг бэхжүүлэх үйлсэд улам их амжилт хүсье.
• Удирдлагын академийн Төрийн захиргааны тэнхимийн багш Баднаагийн Ганцоож Төрийн удирдлагын доктор (PHD)-ын зэрэг хамгааллаа
  
  Б.Ганцоож “Иргэдийн оролцоо”-ны сэдвээр докторын зэрэг хамгааллаа
• Нээлттэй лекц боллоо
  
  Доржжүгдэрийн Мөнх-Очир Үндэсний тагнуулын академийн дэргэдэх Аюулгүй байдал судлалын хүрээлэнгийн ахлах судлаач, хурандаа
• Удирдлагын академийн танилцуулга
  
  100 жилийн өмнө төрийн албан хаагчдыг бичиг үсэгтэй болгох ажлаар эхэлж байсан Монгол улсын төрийн албаны сургалтын байгууллага өнөөдөр орчин үеийн удирдлагын шинжлэх ухааны сургалт, зөвлөх үйлчилгээ, судалгааны үндэсний хэмжээний, хүлээн зөвшөөрөгдсөн академи болж өсчээ. Эдүгээ тус Академи төрийн болон бизнесийн бүх байгууллагын удирдах ажилтны сургалт, зөвлөх үйлчилгээ, судалгаагаараа дамжуулан Монголын төрийн бодлого, үйл ажиллагаа, улсын нийгэм, эдийн засгийн хөгжилд өөр хэнтэй ч зүйрлэшгүй жинтэй хувь нэмэр оруулдаг институци болон бэхжсэн байна. Олон улсын түвшинд ч Удирдлагын академийг хүлээн зөвшөөрч, бид олон орны ижил төстэй байгууллагууд, бусад их, дээд сургуулиудтай амжилттай хамтран ажиллаж байна.
• Эртэч хүн өглөөний уулзалтад Удирдлагын академийн төгсөгч Академич, доктор, профессор Ч.Чимэдрагчаа оролцлоо
  
• Удирдлагын академийн Төрийн захиргааны менежмент, Нийтийн удирдлага, Бизнесийн удирдлагаар мэргэшүүлэх дипломын сургалтын элсэлтийн бүртгэл
  
  Төрийн захиргааны менежмент, Нийтийн удирдлага, Бизнесийн удирдлагаар мэргэшүүлэх дипломын сургалтын элсэлтийн бүртгэл
• Удирдлагын академиийн захирал, профессор Д.Байгал, Магистрантур, докторантурын албаны дарга, дэд профессор О.Цэрэнчимэд нар 2026 оны 5 дугаар сарын 4–8-ны өдрүүдэд Холбооны Бүгд Найрамдах Герман Улсад ажиллалаа.
  
  Томилолтын хүрээнд төлөөлөгчид Потсдамын их сургууль-ийн Мэдлэг дамжуулах төвд зочлон, тус сургуультай хамтран хэрэгжүүлэх “Төрийн бодлого” магистрын хамтарсан хөтөлбөрийн төслийг албажуулж, цаашдын хамтын ажиллагааны төлөвлөгөөг боловсруулан хэлэлцэж тохиролцов. Мөн төлөөлөгчид Шпайерийн Захиргааны шинжлэх ухааны их сургууль-д ажиллаж, хоёр байгууллагын хамтын ажиллагааны санамж бичигт Удирдлагын академийн захирал, профессор Д.Байгал болон Шпайерийн их сургуулийн захирал, профессор Констанс Янда нар гарын үсэг зурлаа. Санамж бичгийн хүрээнд сургалт, судалгаа, эрдэм шинжилгээний хамтын ажиллагааг өргөжүүлэн хөгжүүлэхээр талууд тохиролцсон байна. Шпайерийн Захиргааны шинжлэх ухааны их сургууль нь төрийн удирдлага, хууль, эдийн засаг, захиргааны шинжлэх ухааны чиглэлээр магистр, докторын хөтөлбөр хэрэгжүүлэхээс гадна мэргэжлийн богино болон дунд хугацааны сургалт, судалгааны үйл ажиллагаа явуулдаг нэр хүндтэй сургууль юм.
• Удирдлагын академийн Төрийн албаны сургуулийн захирал, Доктор, дэд профессор Ж.Жаргалын хэвлэлд өгсөн мэдээлэл
  
  Гал унтраах бодлогоос асуудал шийдэх бодлого руу Нийгэм, эдийн засгийн асуудлууд илүү хувьсагчтай, харилцан хамааралтай болсон энэ цаг үед “гал унтраах” буюу асуудал үүссэн хойно нь тэмцдэг, үр дагаврыг саармагжуулж, намжаах бодлого үр нөлөө багатай болжээ. Аливаа бодлогын асуудлын нэг төвөгтэй шинж нь нэг салбарын доголдол нөгөө салбарт хүчтэй нөлөөлж, нэг байгууллагын муу менежмент өөр байгууллагын үйлчилгээний чанарыг унагаадагт оршдог. Асуудал өөрөө динамик, өсөн нэмэгддэг, гүнзгийрдэг шинжтэй учир гаднах илрэл, цаг зуурын шинж тэмдгийг намжаасан шийдэл тогтсон түвшинд үр дүн авчирч чаддаггүй. Асуудлыг зөв тодорхойлсноор бодлогын зорилго, зорилт, арга хэмжээний “хөрсөн” дээр бууж “тэгшитгэлийн” шийдвэрүүд цөөрнө. ГАЛ УНТРААХ БОДЛОГО Гал унтраах бодлого нь асуудал үүссэн үр дагавар, шинж тэмдгийг намжаах өвчин намдаагчийн үүрэг гүйцэтгэдэг. Бид хотын утаа ихсэхэд сайжруулсан шахмал түлш нийлүүлж, малын түүхий эдийн ханш унахад татаас өгч, түгжрэл нэмэгдэхэд дугаарын хязгаарлалт хийх зэрэг гал унтраах арга хэмжээ авч ирсэн. Дээрх арга хэмжээнүүд богино хугацаанд төрд ирэх даралтыг бууруулж, иргэдэд мэдрэгдэх өвдөлтийг намдааж, асуудлыг саармагжуулсан ч асуудлын суурь шалтгаан шийдэлгүй үлдэж хот утаатай, түгжрэлтэй, малчдын орлого бага хэвээр байна. АСУУДАЛ ШИЙДЭХ БОДЛОГО Өнөөдрийн нийгэм, эдийн засгийн асуудал, сорилтууд дан ганц нэг яам, төрийн байгууллагаас хамаарч эсвэл салбарын төсөл, арга хэмжээ хэрэгжүүлснээр шийдэгдэх боломжгүй. Эрчим хүчний доголдол нь үйлдвэрлэл, хөрөнгө оруулалт, бүс нутгийн хөгжил, өрхийн амьжиргаа руу шууд болон дам байдлаар нөлөөлнө. Боловсролын чанарын асуудал хөдөлмөрийн бүтээмж, орлогын ялгаа, нийгмийн шилжилт хөдөлгөөнтэй холбогдоно. Хот төлөвлөлтийн алдаа түгжрэл, агаарын бохирдол, эрүүл мэнд, цаг хугацааны алдагдалд хүргэнэ. Ийм харилцан хамааралтай орчинд асуудлын нэг үр дагаврыг намжаах гэсэн гал унтраах оролдлого нийт системийн зардлыг өсгөж, ард түмний нуруун дээр ирэх ачаалал, төрийн байгууллага, албан хаагчдын ажилын бүтээмжид сөргөөр нөлөөлж байна. “Асуудал шийдэх бодлого”-ын хүрээнд бодлогын асуудлыг үр дагавраар нь бус “юу болж байна, ямар хүчин зүйлс, шалтгаан нөлөөлөв” гэсэн асуулт тавих замаар шалтгааныг тогтоох ёстой. Бодлого боловсруулах үе шатанд нөхцөл байдлын шинжилгээг дарааллын дагуу зөв хийж, бодлогын хувилбаруудыг эрэмбэлэн хамгийн өндөр импакт, нөлөө үзүүлэх шийдлийг сонгох хэрэгтэй байна. Гал унтраах бодлого улс төрийн хувьд түр зуурын оноо авах, захиргааны процессын хувьд хялбар, олон нийтийн хувьд шуурхай шийдэл мэт харагдаж болно. Гэхдээ урт хугацааны хөгжлийн шийдэл болж чадахгүй, асуудал үүсгэгч үр үндсийг таслахгүй. Бид асуудал үүссэн хойно нь шинж тэмдэг, зовиураа намдаах зорилгоор өвчин намдаагч уугаад орхих биш дахиж өвдөхгүй тулд өвчин үүсгэгч шалтгаанаа олж урьдчилан сэргийлэх хэрэгтэй байна. Бидэнд асуудлыг шийдэх олон арга хэмжээ биш, зөв оношлогоо, гол шалтгаан, хүчин зүйлийг олсон шийдэл хэрэгтэй байна. Тэр нийгэм, эдийн засгийн амьдралд гал гарахыг хүлээдэг, гарсан хойно нь үр дагавартай тэмцдэг биш, гал гарахаас урьдчилан сэргийлж чаддаг байх ёстой.
• "Монголын хөгжлийн туулсан зам, түүний сургамж: 1990 оноос өнөөг хүртэл" эрдэм шинжилгээний хурал боллоо
  
• “ЭРДЭМТДИЙН ЯРИА” ХЭЛЭЛЦҮҮЛЭГ БОЛЛОО
  
  Удирдлагын академийн судалгаа, эрдэм шинжилгээний ажлын үр дүнг дэлгэрүүлэх, нийтийн хүртээл болгох, багш, судлаачид, докторантуудын судалгааны ажилд дэмжлэг үзүүлэх зорилгоор зохион байгуулдаг уламжлалт “Эрдэмтдийн яриа” хэлэлцүүлэг 2026 оны 04 дүгээр сарын 28-нд боллоо. Хэлэлцүүлгийн зочноор Монгол Улсын гавьяат багш, доктор, профессор Ядамын Долгоржав оролцож, “Нэгэн бэрх утгыг ухаарах оролдлого” сэдвээр илтгэл хэлэлцүүлэв. Проф. Я.Долгоржав “Монголын нууц товчоо”-ны 2 зүйлд байгаа үгсийн утга, агуулгыг олон эх сурвалжид үндэслэн хөөж судалсан үр дүнгээ Удирдлагын академийн багш, судлаач, докторантуудад анхлан танилцуулсан нь оролцогчдын анхаарлыг зүй ёсоор татаж, идэвхтэй, сонирхолтой хэлэлцүүлэг өрнүүллээ. Энэхүү судалгаа нь хэл шинжлэл, түүх, төрийн удирдлагын шинжлэх ухааны хувьд ихээхэн ач холбогдолтой болох нь тодорхой байна. Судалгааны үр дүнг Удирдлагын академиас эрхлэн тун удахгүй нийтийн хүртээл болгон хэвлүүлэх юм.
• Улсын Их Хурлын ажлын хэсэгт Удирдлагын академийн захирал Д.Байгал академиас 2017-2025 онд хийсэн судалгааны тайланг бүлэглэж танилцуулга хийв
  
  Хуралдааны эхэнд 2017-2025 онд Удирдлагын академиас хийсэн судалгааны тайланг бүлэглэж гаргасан “Асуудал- үр дагавар- шийдэл”-ийн талаарх саналыг тус академийн захирал Д.Байгал танилцуулав. Тэрбээр, засаглал, төрийн байгууллага, төрийн албаны хүний нөөцийн бодлого, удирдлагын талаар болон төрийн албаны үнэт зүйлс, ёс зүй, эдийн засаг, төсвийн асуудал, нутгийн удирдлага, нийгмийн бодлогын хүрээнд тулгамдсан асуудал, үр дагавар, шийдлийн талаар дурдлаа. Тухайлбал, парламентын хяналт бодит бус болж, сайд нар хууль тогтоох болон гүйцэтгэх үүргийг давхарлан хэрэгжүүлснээр ашиг сонирхлын зөрчил, бодлогын тогтворгүй байдал үүсдэг гэв. Иймд Улсын Их Хурлын гишүүн Засгийн газрын гишүүнээр давхар ажиллах хүрээг хуулиар хатуу хязгаарлах шаардлагагаас гадна засгийн газар ойр ойрхон өөрчлөгдөж, урт болон дунд хугацааны хөгжлийн бодлого тасалдах, салбар, яамд хоорондын уялдаа алдагддаг. Төрийн байгууллагын тухайд үр дүнг хэмжих шалгуур үзүүлэлт оновчтой биш, ажлын гүйцэтгэлийн тайлан нь ажил болж хэрэгжихгүй, гүйцэтгэлд суурилсан хариуцлага ба урамшуулал бодитой хэрэгждэггүй тул гүйцэтгэлийн удирдлагын эрх зүйн орчныг шинэчилж, байгууллага нэгж, албан хаагчийн төлөвлөгөөг нэг логикоор уялдуулах, хэмжигдэхүйц KPI-ийн стандарт гаргах, улирал тутмын ажлын эргэх холбоо, сайжруулалтын төлөвлөгөөг заавал хэрэгжүүлэх шаардлагатайг онцоллоо. Мөн тэрбээр, ёс зүйн зөрчлийг зөвхөн шийтгэлээр ойлгодог, урьдчилан сэргийлэлт, зөвлөгөө, дэмжлэгийн механизм сул байгаа нь жижиг зөрчил системийн том асуудал болж хуримтлагдсан гэв. Иймд шүгэл үлээгчийн хамгаалалт, дотоод зөвлөгөө өгөх сувгийг нэвтрүүлж, ажилд орох, гарах үед ёс зүйн зааварчилгаа өгөх, салбар бүрийн эрсдэлд тохирсон урьдчилан сэргийлэх гарын авлага, богино хугацааны сургалт хийх зэрэг шийдэл байгааг танилцуулав.
• Удирдлагын академи зэргийн сургалтын хөтөлбөрүүдийнхээ чанарыг шат дараатайгаар баталгаажуулж, үндэсний болон олон улсын түвшинд магадлан итгэмжлэгдлээ.
  
  Удирдлагын академи нь магистрын хөтөлбөрүүдээ олон улсын түвшинд магадлан итгэмжлүүлж, сургалтын чанар, стандартын хэрэгжилтээ дэлхийн түвшинд хүргэснээ баталгаажууллаа. 2023 оны 7 дугаар сарын 7-ны өдөр Улсын Их Хурлаас “Дээд боловсролын тухай хуулийг шинэчлэн баталснаар Их, Дээд сургуулийн эрэмбэ, чансааг тодорхойлох болсон. Иймээс Удирдлагын академи нь 2024 оны 10 дугаар сарын 1-ний өдөр “Төрийн захиргааны магистр”, “Төрийн удирдлагын магистр”, “Төрийн удирдлагын доктор” хөтөлбөрүүд БМИҮЗ-өөс 5 жилийн хугацаатай магадлан итгэмжлэгдсэн. Удирдлагын академийн зэргийн сургалтын хөтөлбөрүүд нь төрийн захиргаа, удирдахуйн ухааны онолын мэдлэгийг эзэмшүүлэх, нийгмийн олон талт харилцааг удирдан манлайлах ур чадвар болон мэргэжлийн цогц чадамжийг журамласан болон мета танин мэдэхүйн түвшинд эзэмшүүлж байна. Боловсролын ахисан түвшний зэргийн сургалтын хөтөлбөрүүдийн чанарын баталгаажуулалтыг шат дараатайгаар хэрэгжүүлсний үр дүнд Удирдлагын академи нь 2025 оны 12 дугаар сарын 1-ний өдөр “Төрийн захиргаа” болон “Төрийн удирдлага” магистрын хөтөлбөрүүдээ олон улсын түвшинд 6 жилийн хугацаатай магадлан итгэмжлүүлж, дэлхийн боловсролын чанарын шалгуурт нийцсэн сургалт, судалгааны байгууллага болохоо бататгав. Олон улсын болон БМИҮЗ-ийн хамтарсан магадлан итгэмжлэлийн гэрчилгээг гардан авах ёслолын арга хэмжээ 2026 оны 4 дүгээр сарын 22-ны өдөр амжилттай зохион байгуулагдаж, Удирдлагын академи гэрчилгээгээ албан ёсоор гардан авлаа. Уг үйл явдал нь Монгол Улсын төрийн удирдлага, төрийн захиргааны салбарын хөгжлийг нэг шат ахиулж, олон улсын хамтын ажиллагааг өргөжүүлэх, академик нэр хүндийг нэмэгдүүлэх чухал ач холбогдолтой юм.
• БНСУ-ын төрийн захиргааны институтийн удирдлага, профессорууд удирдлагын академид ажиллав.
  
  БНСУ-ын төрийн захиргааны институтийн зочид засгийн газрын хэрэг эрхлэх газрын төлөөлөлтэй уулзлаа БНСУ-ын Төрийн захиргааны институтийн ерөнхийлөгч Чой Санг Хан тэргүүтэй эрдэмтэн судлаачид 2024 оны 02-р сарын 20-22-ны өдрүүдэд Академид зочилж ажил хэргийн уулзалт хийж сургалт, семинар зохион байгуулсан. Энэхүү албан айлчлалынхаа хүрээнд ЗГХЭГ-ын дэд дарга Д.Батбаатар тэргүүтэй албаны хүмүүстэй уулзлаа. Уулзалтаар төрийн албаны хүний нөөцийн бодлого, сургалт, хөгжлийн асуудлаар хоёр улсын Засгийн газрын түвшинд хамтарч ажиллах, төсөл хөтөлбөр хэрэгжүүлж хоёр улсын энэ асуудлыг хариуцдаг сургалт, судалгааны байгууллагууд болох Удирдлагын академи, БНСУ-ын Төрийн захиргааны институт манлайлж ажиллахаар тогтлоо. Тус уулзалтад Удирдлагын академийн захирал, дэд профессор Д.Сүрэнчимэг, мөн Академийн Удирдахуйн ухааны сургуулийн захирал, профессор Б.Баясгалан нар оролцож 2024-2025 онд хэрэгжүүлэх хамтарсан судалгаа, төсөл хөтөлбөрийнхөө талаарх мэдээллийг өгөв. Уулзалтын үеэр ЗГХЭГ-ын дэд дарга, ноён Д.Батбаатар Монгол Улсын төрийн албаны шинэчлэлийг хэрэгжүүлэхэд БНСУ-ын Төрийн захиргааны институт (КИПА)-ийн оруулж байгаа хувь нэмрийг өндрөөр үнэлж цаашид ЗГХЭГ болон Удирдлагын академийн чадавхыг бэхжүүлэхэд чиглэсэн техник туслалцааны төсөл хэрэгжүүлэх боломжийг судалж үзэх хүсэлтийг тавьсан.
• Удирдахуйн 50 ухаан ном
  
  Удирдахуйн ухаан: менежер бүрийн ширээний номын тухай танилцуулга
• Багш нар
  
  Удирдлагын академийн профессор Д.Цэдэв, Ц.Самбаллхүндэв, Я.Долгоржав, Т.Лхагаа, Ш.Батсүх
• Хамтарсан судалгааны үр дүнг хүлээлгэн өглөө
  
  Ёслолыг нээж, Удирдлагын академийн захирал, доктор, профессор Д.Байгал, Хилийн цэргийн хил судлалын хүрээлэнгийн захирал, хурандаа, доктор А.Ганбилэг нар харилцан үг хэлж, судалгааны тайлангийн хэвлэмэл эх, холбогдох бусад мэдээллийг хүлээлгэн өгөв. Уг ёслолд Хилийн цэргийн хил судлалын хүрээлэнгийн дэд захирал, хурандаа Г.Цогбадрах, Удирдлагын академийн Судалгаа, эрдэм шинжилгээний албаны дарга, доктор, профессор Я.Бямбаяр, Улсын салбарын удирдлагын тэнхимийн багш, хамтарсан судалгааны багийн ахлагч, доктор, дэд профессор Г.Жаргал нар болон судалгааны багийн судлаачид оролцож, судалгааны ажлын үр дүн, цаашдын хамтын ажиллагааны талаар харилцан яриа өрнүүллээ. Уг судалгааны хүрээнд Монгол Улсын хил орчмын 14 аймгийн 71 сумын хүн ам, нийгмийн үйлчилгээ, эдийн засгийн сүүлийн 5 жилийн 15 үзүүлэлтээр өгөгдөлд шинжилгээ хийж, хөгжлийн түвшнийг тогтоож, индекс тооцож, өнөөгийн байдлыг тодорхойлов. Түүнчлэн Улсын хил хамгаалалтад иргэдийг оролцуулж ирсэн түүхэн уламжлалыг 5 үед хуваан авч үзэж, Монгол Улсын Үндэсний аюулгүй байдлын үзэл баримтлал, Монгол Улсын төрөөс хилийн талаар баримтлах бодлогын баримт бичигт тусгагдсан үзэл баримтлалын хүрээнд улсын хил хамгаалалтад хил орчмын хүн амын оролцоо, тулгарч буй асуудал, шийдвэрлэх арга замын талаар санал зөвлөмж боловсруулсан юм.