Улс төрийн дээд сургууль байгуулах тухай
- Item sets
- Улс төрийн дээд сургууль (1990-1991)
- Нэр
- Улс төрийн дээд сургууль байгуулах тухай
- Өөр гарчиг
-
БҮГД НАЙРАМДАХ МОНГОЛ АРД УЛСЫН
АРДЫН ИХ ХУРЛЫН ТЭРГҮҮЛЭГЧДИЙН ТОГТООЛ
1990 оны 5 дугаар сарын 24-ний өдөр
№ 64
Улаанбаатар хот
Улс төрийн дээд сургууль байгуулах тухай
Нийгмийн улс төрийн тогтолцоог өөрчлөн шинэчилж байгаа-тай уялдуулан БНМАУ-ын Ардын Их Хурлын Тэргүүлэгчдээс ТОГТООХ нь:
1. Төрийн эрх барих, захиргаа, нам, олон нийт, хэвлэл мэдээллийн байгууллагын удирдах болон улс төрийн ажилтан бэлтгэх, давтан сургах, тэдний мэргэжил дээшлүүлэх, улс төр, нийгмийн шинжлэх ухааны чиглэлээр судалгаа шинжилгээ хийх үүрэг бүхий Улс төрийн дээд сургуулийг БНМАУ-ын Ардын Их Хурлын дэргэдэх Намын дээд сургуулийн баазад түшиглэн байгуулж Д. Сүхбаатарын нэрэмжит хэвээр байлгасугай.
2. БНМАУ-ын Ардын Их Хурлын дэргэдэх Д. Сүхбаатарын нэрэмжит Улс төрийн дээд сургуулийн дүрмийг нэгдүгээр хавсралтаар, зохион байгуулалтын бүтцийг хоёрдугаар хавсралтаар, орон тоо цалингийн схемийг гуравдугаар хавсралтаар тус тус баталж, тогтвортой мөрдөх сарын цалингийн санг 133,0 (нэг зуун гучин гурав) мянган төгрөгөөр тогтоосугай.
3. Тус сургуулийг 1990 оны 7 сарын 1-нээс санхүүжүүлэх асуудлыг шийдвэрлэхийг БНМАУ-ын Сайд нарын Зөвлөл (н. ГУНГААДОРЖ)-д даалгасугай.
4. Сургуулийн зохион байгуулалтын бүтцэд зохих өөрчлөлт хийж, сургалтын төлөвлөгөөг цаг үеийн шаардлагад нийцүүлэн онол, арга зүйн өндөр төвшинд боловсруулан баталж мөрдүүлэхийг Улс төрийн дээд сургуулийн ректор (н. МИЕЭГОМБО)-д үүрэг болгосугай.
БНМАУ-ын Ардын Их Хурлын
Тэргүүлэгчдийн дарга — П. ОЧИРБАТ
БНМАУ-ын Ардын Их Хурлын
Тэргүүлэгчдийн нарийн
бичгийн дарга — Ч. ДАШДЭМБЭРЭЛ
- Огноо
- 1990.05.24
- Төрөл
- Баримт, зураг
Export
