С.Мөнгөн

Дурдатгал
Самба овогтой Мөнгөн Миний бие 1940 оны 3-р сарын 10нд Дундговь аймгийн
Дэлгэрхангай сумын нутаг Гурван өндрийн бууцанд малчин ард Самбын 3-р охин
болж мэндэлсэн билээ. Эцэг эхийн хайр халамжинд өсч торнин бага дунд сургуулиар
дамжин суралцаж 1959 оноос ажлын гараагаа эмнэлэгийн сувилагчийн түр курсээс
эхлэн аймгийн гүйцэтгэх захиргааны эрүүлийг хамгаалах хэлтэсд дүн бүртгэгч,
аймгийн намын хороонд зааварлагч, 10-н жилийн сургуульд бага ангийн багш, номын
санд эрхлэгч зэрэг ажлыг 1959-1970 онд хийж явлаа. Энэ он жилүүдэд манай орны
хөгжилд ХАА, Соёл урлаг, үйлдвэрлэл эрчимтэй явагдаж, залуучууд бид соёлын
довтолгоо хөдөөд худаг ус гаргах, хашаа хороо барих аймаг орноо тохижуулахад
нйитийн субботник, биеийн тамир спорт, залуучууд эмэгтэйчүүдийн дунд семинар
сургалтад биечлэн оролцож, ажил бүтээл оргилсон сайхан үед ид залуу нас минь
өнгөрсөн юм. 1970-аад онд амьдралын гачигдлаар нийслэл хотод шилжин ирж Төв
хорооны дэргэдэх намын дээд сургуульд (номын санд )нилээн судалж шалгуураар
судлагдаж байж сайхан хамт олны дотор орж ирсэн нь азтай тохиол байлаа. Нэг өдөр
Соёлын яаман дээр явж байтал Л. Цогзолмаа гуайтай тааралдаад хотод шилжин
ирснээ ярьж ЭТНайрамдлын ордон соёлын яаманд номын сангийн орон тоо байна
гэснийг хэлэхэд юун ЭТНайрамдлын соёлын яамны номын гэж алив хоёулаа
боловсон хүчний Нанзадтай уулзая гээд тэр хүнтэй уулзаад НДС-д номын санч
хэрэгтэй байна гэж байсан гэв. Цогзолмаа гуай юун ЭТН ордон соёлын яам гэж
Намаан дагавал Нараан дагана гэдэг шиг НДС байр орон сууцаар хангана ажил гэр
ойр амар шүүдээ тэнд л оч гэснээр ажил төрлийн хувьд, ааш зан, гэр бүлийн байдал
гэдэг шалгуураар судлагдаж 1971 оны 9 сард ирсэн хүн 1972 оны 12 сарын 14-нд
сургуулийн рекратын зөвлөлөөр орж батлагдан ажилд орж билээ. Аж ахуй эрхэлсэн
захирал нь Булган Аймгийн Намын хорооны даргаар ажиллаж байсан Цэрэннадмид
гэдэг хүн байлаа. Тэр захирал за хүү минь хөдөөд яаж ажиллаж байсан түүн шигээ
сайн ажиллаарай. Хотын хүүхнүүд булан тохойд суучихаад гутал оймс, мах масло
яриад байж болохгүй шүү өргөн винтээр....4-6 давхар маска 2-3 ээлжээр хийж
чийглээд номын санд ажиллах “Бронхиальны астма” (бронхий багтрал) өвчтэй
болно. Амны хаалтаа чийглэх гэдэг нь номын тоос чийгтэй масканд наалдана гэж
захиж байсан нь үнэтэй зөвлөгөө байсан. Хүний төлөө захирал үнэтэй зүйл хэлжээ.