Ахмад ажилтан, албан хаагчид

"Зууны ирээдүй" ХХК-ийн ажилтан Б.Цэрэндаваа:

"Миний бие аав ээжийнхээ үргэлжлэл болон Намын дээд сургууль, Удирдлагын академидаа ажиллаж байгаадаа баяртай байдаг"

Миний ээж Базар овогтой Чимэд нь 1947 онд Баянхонгор аймгийн Жаргалант суманд айлын 4 дэх хүүхэд болон мэндэлсэн. Бага насандаа аав, ээж, ах, эгч нарынхаа асрамжид өсөж нутагтаа сургуульд сурч, мал маллаж байгаад 1965 онд Улаанбаатар хотод орж ирээд Төмөр замын хүүхдийн хувцасны үйлдвэрт ажиллаж, 1972 оноос Намын дээд сургуульд үйлчлэгчээр ажиллаж 20 жил ажиллаад 1992 онд гавьяаныхаа амралтад гарсан юм.

Миний аав Чойжилжав овогтой Баасанжав нь Архангай аймгийн Эрдэнэмандал суманд айлын 3 дахь хүү болон мэндэлсэн. Бага насаа эцэг, эхийн хайр халамжид өсөж торнисон. Нутагтаа сурч, мал маллаж байгаад цэргийн алба 3 жил хааж, 1969 онд ББЯамны Тоосгоны заводод сантехникийн слесарь, 1972 онд Намын дээд сургуульд слесариэр ажиллаж эхэлсэн юм.

Б.Цэрэндаваа би 1974 онд Улаанбаатар хотод төрсөн. 1975-1981 онд ясли, цэцэрлэгт хүмүүжсэн. 1981-1989 онд 75 дугаар сургуулийн 8-р ангийг төгсөөд 1989-1991 онд 1 дүгээр сургуулийн оройн 10-р анги, 1992 онд нярвын сургалтад сурч нярав мэргэжил эзэмшсэн. 1989 оны намар Улс төрийн дээд сургуульд үйлчлэгчээр анх ажилд орж байлаа. Сургуулийн цайны газраас анх ажлын гараагаа эхлүүлсэн. Ажиллаа хийнгээ сургах боломжийг минь бүрдүүлж өгч байсан сургуулийн захирал ……, аж ахуйн дарга, хамт олондоо маш их баярлаж явдаг. Эндээс л миний ажил, амьдралын минь гараа эхэлсэн. 2007 оноос “Хуцын суу” ХК-д Хорлоо захиралтай үйлчилгээний хэдэн хүмүүс ажиллаж байгаад 2008 оноос “Зууны ирээдүй” ХХК-д Гантөмөр захирал, зохион байгуулагч Солонгоо эгч, Сүхээ эгч, Жаргал, Цэрэндаваа, харуулын дарга Байгал, нийт 60 гаруй ажилтантай гараагаа эхлүүлснээс одоог хүртэл 16 жил Удирдлагын Академийн цэвэрлэгээ, үйлчилгээг хийж байна.

Манай хамт олон Нарантуяа даргатай, Халиунаа, Байгалмаа нягтлан, Энхтуяа, Наранчимэг, Сэлэнгэ, Энхтуяа.О, Байгал, Баасанцэрэн, Оюунбуян, Цэгмэд, Баясгаланбат, Түвшинтөр гэсэн ажилчидтайгаа нэгэн гэр бүл шиг ажиллаж байна. Хийсэн ажлыг минь үнэлж Баярын бичиг, Байгууллагын аварга, Нийтийн аж ахуйн Тэргүүний ажилтан, Тэргүүний залуу алтан медаль, Хөдөлмөрийн хүндэт медаль зэргээр тус тус шагнагдсан. Ингээд сургуулийнхаа 100 жилийн ойг тохиолдуулан үе үеийн багш, ажилтан нартаа сайн сайхан бүхнийг хүсэн ерөөе.