Удирдлагын академийн магистрант, докторантуудад зориулсан ээлжит “PhD COLLOQUIUM”

Нэр

Удирдлагын академийн магистрант, докторантуудад зориулсан ээлжит “PhD COLLOQUIUM”

Өөр гарчиг

Удирдлагын академийн магистрант, докторантуудад зориулсан ээлжит “PhD COLLOQUIUM” 2024 оны 10 сарын 04-ний өдөр амжилттай зохион байгуулагдлаа. Удирдлагын академийн 100 жилийн ойн хүрээнд Олон улсын эрдэм шинжилгээний хурал, ёслолын ажиллагаанд оролцохоор ирсэн Холбооны Бүгд Найрамдах Герман Улсын Потсдамын Их сургуулийн улс төрийн философи, төрийн бодлогын чиглэлээр мэргэшсэн нэр хүндтэй профессор Фабиан Шупперт онцлох зочноор уригдан магистрант, докторантуудтай уулзалт, ярилцлага хийлээ.

Огноо

2024

Төрөл

Бусад

Товч тайлбар

Тус үйл ажиллагааг Удирдлагын академийн Докторантур, магистрантурын албаны дарга, доктор, дэд профессор О.Цэрэнчимэд хөтөлж Потсдамын Их сургууль, Удирдлагын академитай хамтран хэрэгжүүлэх “Төрийн бодлого”-ын магистрын хөтөлбөрийн товч танилцуулга болон оюутан солилцоо, эрдэм шинжилгээний хамтын ажиллагааны боломж, ач холбогдлыг таниулахад чиглэсэн ярилцлага болов.
Удирдлагын академийн магистрант, докторантууд арга хэмжээнд идэвхтэй оролцож хоёр сургуулийн цаашид хэрэгжүүлэх хамтарсан хөтөлбөрийн хүрээнд эрдэм шинжилгээ, судалгааны ажлыг сайжруулах чиглэлээр болон оюутан солилцоо, тэтгэлгийн талаарх сонирхсон асуултаа асууж, хариулт авлаа. Түүнчлэн доктор, профессор Фабиан Шупперт дээд боловсролын салбарт олон улсын хамтын ажиллагаа чухал болохыг онцолж, энэхүү хамтарсан хөтөлбөрийн шинэ боломжуудад сэтгэл хангалуун байгаагаа илэрхийлж байв. Цаашид Удирдлагын академи Потсдамын Их сургуультай хамтын ажиллагаагаа улам бэхжүүлж, суралцагчдадаа болон төрийн албан хаагчдад суралцах, хөгжих олон боломжуудыг нээнэ гэдэгт итгэлтэй байна.

Агуулга

Гадаад харилцаа

Хамтын ажиллагаа

Хурал зөвлөгөөн, уулзалт