“Төрийн захиргааны уламжлал, шинэчлэл: Монголын онцлог, олон улсын туршлага” сэдэвт олон улсын эрдэм шинжилгээний хурал боллоо

Нэр

“Төрийн захиргааны уламжлал, шинэчлэл: Монголын онцлог, олон улсын туршлага” сэдэвт олон улсын эрдэм шинжилгээний хурал боллоо

Өөр гарчиг

Удирдлагын академийн 100 жилийн ойд зориулсан олон улсын эрдэм шинжилгээний хурал

Огноо

2024.10.10

Төрөл

Баримт, зураг

Товч тайлбар

Удирдлагын академи, Монгол улсад орчин цагийн төрийн албаны сургалтын тогтолцоо үүсэж хөгжсөний 100 жилийн ойг тэмдэглэн өнгөрүүлэх ажлын хүрээнд “Төрийн захиргааны уламжлал, шинэчлэл: Монголын онцлог, олон улсын туршлага” сэдэвт олон улсын эрдэм шинжилгээний хурлыг өнөөдөр буюу 2024 оны 10 дугаар сарын 10-ны өдөр байгуулав. Уг хуралд Монгол Улсын Их хурлын ба Засгийн газрын гишүүд, Төрийн албаны зөвлөл, Монгол улсад үйл ажиллагаа эрхэлж байгаа олон улсын байгууллага, элчин сайдын яамдын төлөөлөл, тус Академийн үе үеийн удирдлага, багш нар, төгсөгчид, Төрийн захиргааны төв байгууллагын албан хаагчид оролцсон юм.

Уг эрдэм шинжилгээний хуралд тус сургуультай хамтын ажиллагаатай сургалт, судалгааны байгууллагын эрдэмтэн, судлаачид илтгэл хэлэлцүүлж Холбооны Бүгд Найрамдах Герман Улс, Бүгд Найрамдах Солонгос Улс, Бүгд Найрамдах Энэтхэг Улс, Бүгд Найрамдах Хятад Ард Улс, Бүгд Найрамдах Сингапур Улс, Бүгд Найрамдах Киргиз Улс, Бүгд Найрамдах Филиппин Улс зэрэг улсад иргэн төвтэй үзэл баримтлалыг төрийн үйлчилгээнд нэвтрүүлэх чиглэлд баримталж буй шинэчлэлийн бодлого, авилгаас ангид, мэргэшсэн төрийн албыг төлөвшүүлэх чиглэлд тулгарч буй сорилт, шийдэл, хүний нөөцийн сургалт, хөгжлийн чиглэлээр хэрэгжүүлж буй сайн туршлагаа хуваалцаж байгаагаараа онцлог юм.

Эрдэмтэн судлаачид нийгэм, улс төр, эдийн засаг, шинжлэх ухаан, технологийн хурдтай хөгжил, өөрчлөлтөөс үүдэлтэй төрийн захиргаа, төрийн удирдлагын талбарт үүссэн сорилтууд, тэдгээрийг даван туулж буй туршлага, сургамжаа харилцан солилцож, цаашдын чиг хандлагаа тодорхойлоход энэхүү эрдэм шинжилгээний хурлын үндсэн зорилго чиглэж байгаа болно.

Агуулга

Гадаад харилцаа

Хамтын ажиллагаа

Тэмдэглэлт үйл явдал

Хурал зөвлөгөөн, уулзалт