Баримтууд · Удирдлагын академи. Түүхэн баримтууд

Багш, ажилтнуудыг өндөр хөгжилтэй улс орнуудад богино болон урт хугацааны сургалт, семинар, хурлуудад хамруулав

Багш, удирдлагууд олон улсын семинар, хурлуудад оролцох явдал нэмэгдсэн он байлаа.

Төрийн нарийн бичгийн дарга нарын анхны сургалтыг зохион байгууллаа

Төрийн нарийн бичгийн дарга нарын анхны сургалтыг зохион байгууллаа 1997 онд Төрийн нарийн бичгийн дарга нарын анхны семинар зохион байгуулжээ. Тус семинарын дараа Германы Төрийн захиргааны төвийн дарга В.Шермер, мөн ноён Мюллер нарт илгээсэн албан бичигтээ “ ... Бэлтгэл албаны 2 жилийн сургуулийн 2 дахь ангийн хичээл 1998 оны намраас эхлэх тул энэ сургалтыг зохих бэлтгэлтэй, чанартай явуулахын тулд ГОУХС-аас санхүүжүүлэх замаар ТЗУХИ-д гадаадын өндөр мэргэжлийн багш нарыг янз бүрийн хугацаагаар урьж ажиллуулах, тус институтийн захиалгаар Германд төрийн удирдлагын багш нарыг шинэ мэргэжил эзэмшүүлэх, давтан бэлтгэх сургалтад оролцуулах, улмаар магистрантур, докторантурт сургах, тэрчлэн зорилтот сургалтад хамруулдаг өмнөх жилүүдийн туршлагаа үргэлжлүүлэх зэрэг арга хэмжээ өргөжнө гэдэгт найдаж байна” хэмээн тэмдэглэжээ. Олон улсын Германы хөгжлийн сангийн дэмжлэгтэйгээр Монгол Улсын төрийн албан хаагчдыг чадавхжуулах, багш нарыг хөгжүүлэх богино болон урт хугацааны сургалтад хамруулах, гадаадын багш, судлаачдыг ТЗУХИ-д урьж ажиллуулах үйл ажиллагаа амжилттай хэрэгжиж байсан юм.

Д.Цэдэв, Я.Шуурав, Ц.Адъяа

Төрийн захиргаа, удирдлагын хөгжлийн институтийн захирал, албаны дарга нар

Монголын их, дээд сургуулиудын багш нарын анхдугаар их хурал болов

Монголын их, дээд сургуулиудын багш нарын анхдугаар их хурал болов 1998 оны 10-р сард Парис хотноо болсон дээд боловсролын дэлхий дахины бага хурлаас 21-р зуунд дээд боловсролыг хөгжүүлэх нийтлэг чиг хандлагыг тодорхойлж тунхаглал гаргасан байна. Үүнийг дэлхийн улс орнууд дэмжиж дээд боловсролын талаарх өөрсдийн стратеги, бодлого чиглэлээ шүүн хэлэлцэж байгаа цаг үед Монгол Улсын Гэгээрлийн яам, Монголын их, дээд сургуулиудын консерциумаас Монголын их, дээд сургуулиудын багш нарын анхдугаар их хурлыг 1999 оны 2-р сард зохион байгуулсан байна. Энэ хурлын хүрээнд “Монголын дээд боловсрол: XXI зууны үзэл баримтлал” сэдэвт эрдэм шинжилгээний бага хурал болж 10 чиглэлээр олон тооны илтгэлийг хэлэлцсэн байна.

Японы Сасакавагийн сан (одоогийн Ниппон сан)-гийн тэтгэлэгт “Залуу удирдагч” хөтөлбөр хэрэгжиж эхлэв

Удирдлагын хөгжлийн институтийн ажилтнууд 1990 оны 4-5 дугаар сард Японд суралцах аялал хийх үеэр Сасакавагийн сан (одоогийн Ниппон сан)-тай холбоо тогтоож эхэлснээр, хамтын ажиллагааны гэрээг 1992 оны эхээр байгуулжээ. Энэхүү гэрээний дагуу Ёохэй Сасаскава монголд шинэ үеийн удирдах ажилтан бэлтгэхэд туслахаа илэрхийлж УХИ дээр “Залуу удирдагч” хөтөлбөр хэрэгжүүлэхээр болж менежерийн тэтгэлэгт ангийг хичээлүүлж эхэлсэн байна. Тэр цагаас хойш өнөөг хүртэл жилд 10-26 сонсогчдын төлбөрийг тус сангаас дааж, сар бүр тэтгэлэг олгодог болжээ.

Удирдахуйн ухааны докторын зэргийн сургалтын 20 жилийн ой

Удирдлагын академийн Удирдахуйн ухааны докторын зэргийн сургалтын 20 жилийн ой, Академийн анхны докторантууд

Удирдлагын академийн 80 жилийн ойн баримтад кино

Намын түр сургуулийн нээлт 1924 оны 4 сарын 5-нд болж Намын Төв Хорооны удирдлага, тухайлбал, С.Данзан, Ц.Дамбадорж нарын хүмүүс оролцов. Тус түр сургуулийг 15 хоног хичээллүүлэв.

Сургуулийн 10 жилийн ойн урилга

Намын Төв сургууль байгуулагдсаны 10 жилийн ойн хурлын урилга

Удирдлагын академийн эрдмийн зөвлөл

Ахмадын баяраар

Олон улсын Ахмадын өдрийг тохиолдуулан ахмадуудаа хүлээн авч хүндэтгэл үзүүлэв

Сүхбаатарын нэрэмжит Намын дээд сургулийн байр

1984-1986 оны төгсөгчид

Намын дээд сургуулийн төгсөгчид

04 Засаглал

Үндэсний нэгдмэл үнэт зүйлс

ҮНДЭСНИЙ НЭГДМЭЛ ҮНЭТ ЗҮЙЛ Орчин үеийн шинжлэх ухааны арга зүйгээр нарийвчлан судалж, хөдөлшгүй бодит баримтад үндэслэсэн “эх хэл, эх түүх, өв соёлыг” нийт хүн амд төлөвшүүлж, үндэсний ижилсэл-ондоошлын гүн ухамсар, дархлаатай үндэстэн-улс байгуулахад тулгуур болохуйц нэгдмэл үнэт зүйлсийг цогцлооно.

М.Бадам

Намайг сурч байхад үндсэн 4 жил, дээдийн 2 жил, эвлэлийн ажилтан бэлтгэх анги, нам улс төрийн удирдах ажилтан бэлтгэх 2 жил гэх мэтээр төрөлжсөн ангиудад сургалт зохион байгуулагдаж байсан билээ. Намын Дээдийн 2 жилийн ангид сурч байхад манай ангид 18 аймаг, Улаанбаатар хот, бусад хотуудаас 75 хүн сурч төгссөн. Манай ангийн багш Норовсамбуу доктор байлаа. Хэдэн жилийн дараа сургуулийнхаа үндсэн ангид суралцахад манай ангийг бас л доктор Норовсамбуу багш дааж авч билээ.

Ахмад төгсөгч А.Хоогой

Д.Сүхбаатарын нэрэмжит Намын дээд сургуулийн багш нар бол тухайн тэр цаг үедээ агуу эрдэмтэн мэргэд байсан юм.

Эртэч хүн өглөөний уулзалт

“Эртэч хүн” өглөөний ажил хэрэгч уулзалт боллоо “Эртэч хүн” хүн өглөөний уулзалт 2024 оны 9 сарын 18-ний өдрийн 07 цагт Удирдлагын академийн төв байрны 215 тоот танхимд боллоо. Энэ удаагийн зочин илтгэгчээр Төрийн албаны сургуулийн захирал, профессор Д.Байгал ахлагчтай баг “Төр, хувийн хэвшлийн түншлэлийн төслийг удирдах: БНЭУ-ын туршлага” сэдвээр сонирхолтой илтгэл, танилцуулга хийж, мэдлэг, туршлагаасаа хуваалцаж, цаашид Монгол Улсад хэрэгжүүлэх боломж үр дүнгийн талаар ярилцаж, оролцогсдын сонирхсон асуултад хариуллаа. Мөн эртлэн ирсэн оролцогсдын дунд сугалаа зохион байгуулж гэнэтийн бэлэг барьсан бөгөөд уламжлалт ёсоор өглөөний цай ууцгааж халуун дотно яриа өрнүүлж нэгэн өглөөг хамтдаа дурсамж дүүрэн сайхан өнгөрүүллээ.

ӨНДӨР ОВОГТ ЦООДОЛЫН СЭРЭЭНОВ

1953 онд Өвөрхангай аймгийн Тарагт сумын нутагт төрсөн. Өвөрхангай аймгийн Төвийн 10 жилийн сургууль, УБДС-д суралцаж төгссөн. ТЗУХИ-ийн Төрийн удирдлагын сургуулийг 1997 онд, Засгийн газрын хэрэгжүүлэгч агентлаг Удирлагын академд суралцаж 2002 онд Төрийн удирдлагын магистрын зэрэг хамгаалсан. Математик-физикийн багш, Төрийн удирдлагын арга зүйч мэргэжилтэй. БНСУ, Турк улсад мэргэжил дээшлүүлсэн. 1975-1991 онд Дундговь аймаг дахь ХАА-н техникумд багш, хичээлийн эрхлэгч, Захирал,1991-2002 онд Дундговь аймгийн ЗДТГ-т мэргэжилтэн, Хэлтсийн дарга, 2003-2013 онд Дундговь аймгийн Боловсрол, соёлын газрын дарга, 2014-2017 онд ШУА-ын Одон орон геофизикийн хүрээлэнгийн Дундговь салбарт Эрдэм шинжилгээний ажилтан, 2018 оноос Монголын хүний нөөцийн Удирдлагын шинэчлэлийн академид багшаар ажиллаж байна. Удирдлагын академийн Дундговь аймаг дахь сургалтын менежерээр 1999-2008 онд ажиллаж, Төрийн албан хаагчдыг системтэй сургалтанд хамруулан, Академийн багш нарыг удаа дараалан орон нутагт ирүүлж сургалт, уулзалтууд зохион байгуулж байсан. 2021 онд Монгол Улсын Гавьяат багш цол хүртсэн. Хөдөлмөрийн гавъяаны улаан тугийн одон, “Алтан гадас” одон, БНМАУ-ын Засгийн газрын хүндэт Жуух бичиг, Төрийн албаны Тэргүүний ажилтан, Боловсролын Тэргүүний ажилтан, Соёлын Тэргүүний ажилтан, Дундговь аймгийн тэргүүний ажилтан цол, тэмдэг, Ардын хувьсгалын ойн медалиудаар шагнагдсан. Аймгийн Хүндэт дэвтэрт бичигдсэн. Аймгийн Шилдэг Төрийн түшээ, Монгол Улсын шилдэг гэр бүл, Аймгийн тэнгэрлэг гэр бүл болж байлаа.