Баримтууд · Удирдлагын академи. Түүхэн баримтууд

Монгол Улс, ХБНГУ-ын хооронд дипломат харилцаа тогтоосны 50 жилийн ойг тохиолдуулан Lautten compagney Berlin (Герман улс) болон “Тэнгэр аялгуу” чуулга (Монгол улс) хамтран “ХӨГЖМИЙН ХЭЛХЭЭ- МОНГОЛ” концертын төсөл хэрэгжүүлж байна. ХБНГУ-ын Холбооны Гадаад хэргийн яамнаас санхүүжүүлж буй энэхүү концертын төслийг Берлин дэх Монгол Улсын Элчин сайдын яам, Монгол улсын Соёл, спорт, аялал жуулчлал, залуучуудын яам, Удирдлагын академи, СУИС, Монгол Улсын Филармони, Урбан Номадс//Номад Ситизен ТББ, АПУ, Денк фарма, Адмон паблишингтай хамтран зохион байгуулав.

Удирдлагын академийн магистрант, докторантуудад зориулсан ээлжит “PhD COLLOQUIUM”

Тус үйл ажиллагааг Удирдлагын академийн Докторантур, магистрантурын албаны дарга, доктор, дэд профессор О.Цэрэнчимэд хөтөлж Потсдамын Их сургууль, Удирдлагын академитай хамтран хэрэгжүүлэх “Төрийн бодлого”-ын магистрын хөтөлбөрийн товч танилцуулга болон оюутан солилцоо, эрдэм шинжилгээний хамтын ажиллагааны боломж, ач холбогдлыг таниулахад чиглэсэн ярилцлага болов. Удирдлагын академийн магистрант, докторантууд арга хэмжээнд идэвхтэй оролцож хоёр сургуулийн цаашид хэрэгжүүлэх хамтарсан хөтөлбөрийн хүрээнд эрдэм шинжилгээ, судалгааны ажлыг сайжруулах чиглэлээр болон оюутан солилцоо, тэтгэлгийн талаарх сонирхсон асуултаа асууж, хариулт авлаа. Түүнчлэн доктор, профессор Фабиан Шупперт дээд боловсролын салбарт олон улсын хамтын ажиллагаа чухал болохыг онцолж, энэхүү хамтарсан хөтөлбөрийн шинэ боломжуудад сэтгэл хангалуун байгаагаа илэрхийлж байв. Цаашид Удирдлагын академи Потсдамын Их сургуультай хамтын ажиллагаагаа улам бэхжүүлж, суралцагчдадаа болон төрийн албан хаагчдад суралцах, хөгжих олон боломжуудыг нээнэ гэдэгт итгэлтэй байна.

Удирдлагын академийн веб хуудас

ЭРХЭМ ЗОРИЛГО Манлайлан ажиллах төгсөгч, мэдлэг тэлэх судалгаа, хөгжилд хөтлөх зөвлөгөөг бид бүтээнэ Уриа үг: “Бид тэргүүлнэ Төгсөгчид манлайлна” Эрхэмлэх зарчим (Язгуур үнэт зүйлс) Үндэсний бахархал, үнэт зүйлс, эрх ашиг, эв нэгдэл Үйл ажиллагааны шинжлэх ухаанч чанар Ёс суртахуунч чанар Сэтгэл, зүтгэл, гүйцэтгэлийг эрхэмлэх

Төрийн захиргааны тэнхим

1994 оноос хойших гучин жилийн хугацаанд тус тэнхимд нийт 44 багш, 11 ажилтан ажиллаж байсан бөгөөд тэдний Монгол Улсын хийгээд захиргааны шинжлэх ухааны хөгжилд оруулсан хувь нэмэр, алдар гавъяаг тоочоод баршгүй. Гучин жилийн хугацаанд ажиллаж байсан болон одоо ажиллаж байгаа нийт багшлах бүрэлдэхүүний 75 хувь нь докторын зэрэг хамгаалсан, 54.5 хувь нь профессор, дэд профессор цолтой, тэнхимийн ажилтнуудын нэг нь докторын зэрэг хамгаалсан байна.

Удирдлагын академийн танилцуулга, гэрэл зургийн цомог 2019

Удирдлагын академийн танилцуулга, гэрэл зургийн цомог

Удирдлагын академи, гэрэл зургийн цомог 2024

Удирдлагын академийн 100 жилийн ойд зориулав.

Намын дээд сургуулийн захирал Г.Миеэгомбо, дэд захирал Б.Даш-Ёндон, багш Шааман нар Зөвлөлтийн төлөөлөгчдийн хамт

Намын дээд сургуулийн захирал Г.Миеэгомбо, дэд захирал Даш-Ёндон, Багш Шааман нар Зөвлөлтийн төлөөлөгчдийн хамт

Удирдлагын академийн сүлд дуу, Миний сургууль миний тоонот

Нэгэн үрийн цэцг шиг наран зүг дэлгэрсэн Оюутны шуугиант жилүүд насны баясгалан Нисэн өнгөрөх амьдралын мөнгө шувууд Омголон насны гэгээн уянгын даль жигүүр ээ Дахилт: Түүчээ тогоруу шиг анхаы шан татасан Төр түмний сүлдэн миний сайхан сургууль Түүчээ тогоруу шиг анхаы шан татасан Төр түмний сүлдэн миний сайхан сургууль Ургах нарны цацраг шиг хомхы зүг дэлгэрсэн Ухаан далай багш минь миний шүтээн Урсан өнгөрөх амьдралын алтан шувууд Угтах ирээдүйг зорих миний даль жигүүр ээ Дахилт: Эргээд ирхэд ижий шиг халуун хайраар тосдог Эрдмийн булаг миний сургууль миний тоонот Аргадан туулах орчлонгийн элгэн дээр Ариун гэгээн мөртэй мөхийн дурсамж аа Дахилт:

Удирдлагын академийн түүхэн зураглал

Захирлын нэр: Ц.Дамбадорж 1924-1925 Н.Хаянхярваа 1925 Р.Уламбаяр 1925.XI-1927 Н.Насанбат 1927-1928 Ц.Чойжил 1928.XII-1929.III С.Норовсүрэн 1929-1930.V Сандаг 1930.V-1931.I Насанбалжир 1931.I-III Д.Сэнгэдорж 1931-1932 Сандагдорж 1932.I-III Д.Санжаа 1932.III-VIII Бат-Очир 1932-1933 С.Эрэнцэн 1933-1934 Банзрагч 1934-1935 Сэрээтэр 1935 М.Ядамсүрэн 1935.II-1936 Д.Баттөмөр 1936 Н.Элээ 1936-1937 Х.Дамба 1937-1939 Д.Өлзий 1939.I-VIII Г.Дамбийжанцан 1939.VIII-1941.X Ч.Сүрэнжав 1941-1952 Ц.Доржбат 1952-1954 Ч.Сүрэнжав 1954-1959 Б.Сэрээтэр Академич 1959-1963 Б.Хурметбек Доктор, профессор, Монгол Улсын гавьяат багш 1963-1980 Г.Миеэгомбо Доктор, профессор, Монгол Улсын ардын багш 1980-1990 1990-1991 Я.Долгоржав Доктор, профессор, Монгол Улсын гавьяат багш 1991-1994 Ц.Адъяа Доктор, профессор 1994-1996 Ц.Гомбосүрэн Доктор, профессор, Монгол Улсын гавьяат багш 1996-1998 Д.Бямбасүрэн Доктор, профессор, Монгол Улсын гавьяат эдийн засагч 1998-1999 1999-2000 Ш.Түдэв Доктор, профессор, Монгол Улсын гавьяат багш 2000-2005 Т.Лхагваа Доктор, профессор, Монгол Улсын гавьяат багш 2005-2008 Г.Чулуунбаатар Академич, доктор, профессор, Монгол Улсын Шинжлэх ухааны гавьяат зүтгэлтэн 2008-2012 Ц.Баатартогтох Доктор, профессор 2012-2016 С.Зүльфикар Доктор, профессор 2016-2020 Д.Сүрэнчимэг Доктор, дэд профессор 2020.VII.20

Ахмад номын санч Самбуугийн Сумъяа

Тухайн үед Намын дээд сургуулийн Номын сан нь 9-10 гаран ажилтны орон тоон дээр үйл ажиллагаагаа явуулдаг байв.Эрхлэгч Гомбосүрэн, Ном зүйч Янжинцэрэн, Каталогич Туул, Фондын эрхлэгч Ёлко, Сумъяа, Номын сангийн үйлчилгээний хэсэгт Мөнгөн,Оюунчимэг Б.Лхагвасүрэн Н.Нэргүй , үйлчлэгч Шура гэх мэт

Монгол Улсын гавьяат багш Аюурзанын Цанжид

А.Цанжид НДС -ийн захирал байсан профессор Г.Миеэгомбын хамт тус сургуулийн байх эсэх тухай асуудлыг хэлэлцсэн Улсын бага хурлын хуралдаанд оролцож, сургуулиа бага хурлын дэргэдэх Улс төрийн дээд сургууль болгон өөрчлөх түүхэн шийдвэрийг гаргуулж байжээ.

Монгол Улсын гавьяат багш Чимидийн Энхбаатар

Удирдлагын академид ажиллах хугацаанд Олон улсын нийтийн эрх зүй, Харьцуулсан эрх зүй, Үндсэн хууль, захиргааны эрх зүй, Хүний эрх ба захиргаа, Захиргааны хяналт шалгалт, Төрийн хяналт, Хяналт шалгалт, аудит зэрэг хичээлүүдийг зааж байсан ба одоо зааж байгаа.

Монгол Улсын гавьяат хуульч В.Удвал

В.Удвал нь Удирдлагын академийн багш, Хууль зүйн дэд сайд асан, Үндсэн хуулийн Цэцийн гишүүнээр ажиллаж байсан. Үндсэн хуулийн чиглэлээр дагнасан хуульч, судлаач юм.

Монгол Улсын гавьяат хуульч Г.Совд

Монгол Улсын гавьяат хуульч, Үндсэн хуулийн Цэцийн анхны дарга асан Г.Совд

Ш.Сэдийн тухай дурсамж

Намын дээд сургуульд 1973-1985 онд ажиллаж байсан хамт олноос одоо үлдсэн цөөн хэдэн хүмүүсийн дотор, тус сургуулийн ерөнхий нягтлан бодохоор ажиллаж байсан Ховд аймгийн Дарви сумын уугуул Ш.Сэдийн мэргэжлийн өндөр ур чадвар, хамтач, нөхөрсөг, сургуулийнхаа материалаг нөхцөл, сургалтын орчинг бэхжүүлэхийн төлөө олон ажлуудыг санаачлан хийж, хэрэгжүүлсэн хөдөлмөрийг нь сургуулийнхаа 90 жилийн ойн номонд бичиж үлдээх нь зүйтэй гэж бидний хэсэг нөхөд санал нэгдэн дурсамж бичихийг хүслээ.

Г. Цэнд - дурдатгал

1960 онд Төв аймгийн Эрдэнэсант сумаас нөхөр Ч.Халзан Улаанбаатар хотод шилжин ажиллах болж бид гэр бүлээрээ нүүж ирээд тэр үеийн Намын Дээд Сургуульд бичээчээр анх ажилд орж байснаас хойш 55 жил өнгөрчээ. Тэр үед НДС-ийн захирлаар Б.Хурметбек, орлогч захирлаар Сүрэнхорлоо, эчнээ салбарын захирлаар Г.Бямбаа нарын хүмүүс ажиллаж байлаа. Манай сургуулийн захирал Б.Хурметбек гэж нам, улсын ажлыг олон жил хашсан хашир туршлагатай, өндөр мэдлэг чадвартай, маш сайн зохион байгуулагч удирдах ажилтан хүн байсан. Би энэ л үеэс хойш 1984 он хүртэл НДС-даа ажиллаад өндөр насны тэтгэвэрт гарсандаа.

Ц. Мягмар - дурдатгал

1976.06.30. Байрандаа нам, тайван амарч байтал өглөө 9 цагийн орчимд жижүүр Наваан гуай орж ирээд мэнд ус ч үгүй. - Ректорын туслах Нацаг ярьж байна. Чамайг “Бек” захирал яаралтай олж уулзуул гэсэн байна гэв. Би гайхаж юун яаралтай хэрэг гардаг билээ, “Манай ангийнхан тойрох хуудас мэт дээрээ асуудал гаргасан юм бол уу. Гэхдээ том захирал дээр хүрэхгүй шийдвэрлэх зүйл шүү дээ” гэж бодсоор яаранхан явж очив.