Монгол Улсын гавьяат багш Чимидийн Энхбаатар

Цогт овогт Чимидийн Энхбаатар миний бие 1953 онд Улаанбаатар хотын Сүхбаатарын район, нэгдүгээр төрөхөд төрсөн.

Улсад 48, Удирдлагын академид 2002 оноос хойш 21 жил эрх зүйн тэнхмийн эрхлэгч, профессорын багийн ахлагч, ерөнхий эрдмийн тэнхмийн эрхлэгч, бүрэлдэхүүн сургуул|коллеж|-ийн захирал зэрэг албан тушаалыг хашсан болно. Одоо эрх зүйн тэнхмийн багш, профессороор ажиллаж байна.

1976 онд хуульч, эрх зүйч мэргэжлээр ЗХУ-ын Эрхүүгийн их сургууль, 1997 онд Австралийн Сиднейн их сургуульд суралцаж LLM (Master of Laws) зэрэг хамгаалсан.

1991 онд Монгол Улсын ШУА-д “БНМАУ-ын төрийн эрх барих дээд байгууллагын хууль тогтоох үйл ажиллагааг боловсронгуй болгох нь” сэдвээр хууль зүйн доктор (PhD), 2002 онд Унгар улсын Төв Европын их сургуульд “Шүүхийн хараат бус байдал: харьцуулсан судалгаа” сэдвээр хууль зүйн шинжлэх ухааны докторын (Sc.D) зэргийг тус тус хамгаалсан, профессор цолтой.

Удирдлагын академид ажиллах хугацаанд Олон улсын нийтийн эрх зүй, Харьцуулсан эрх зүй, Үндсэн хууль, захиргааны эрх зүй, Хүний эрх ба захиргаа, Захиргааны хяналт шалгалт, Төрийн хяналт, Хяналт шалгалт, аудит зэрэг хичээлүүдийг зааж байсан ба одоо зааж байгаа.

“Үндсэн хуулийн эрх зүй”, “Гадаад орнуудын төрийн байгуулалт”, “Гадаад орнуудын үндсэн хуулийн эрх зүй”, “Япон улсын төрийн байгуулалт”, “Герман улсын төрийн эрх зүй” зэрэг сурах бичиг, нэг сэдэвт зохиол туурвисан, мөн олон тооны эрдэм шинжилгээний өгүүлэл бичиж нийтлүүлсэн.

“Хөдөлмөрийн гавьяаны улаан тугийн одон”, “Алтан гадас” одон, ойн медалиудаар шагнагдсан. 2022 онд Монгол Улсын гавьяат багш хүндэт цол хүртсэн. Хууль зүйн, Боловсролын, Шинжлэх ухааны, Төрийн албаны салбарын тэргүүний ажилтан.