Эртэч хүн өглөөний уулзалт
- Нэр
- Эртэч хүн өглөөний уулзалт
- Өөр гарчиг
- Удирдлагын академийн номын сангаас уламжлал болгон зохион байгуулдаг “Эртэч хүн” өглөөний ажил хэрэгч уулзалтын ээлжит зочноор Удирдлагын академийн Эдийн засаг, санхүүгийн тэнхимийн багш, доктор (Ph.D), дэд профессор С.Галбадрах уригдан оролцлоо.
- Огноо
- 2025
- Төрөл
- Баримт, зураг
- Товч тайлбар
-
Энэхүү уулзалт-ярилцлага өнөө өглөө буюу 2025 оны 4 дүгээр сарын 25-ны өдөр 07:00–08:30 цагийн хооронд Удирдлагын академийн байранд амжилттай зохион байгуулагдав. Уулзалтыг Сургалтын бодлого, зохицуулалтын газрын дарга Ц.Энхмандах нээж, оролцогчдод мэндчилгээ дэвшүүлэн, уулзалтын ач холбогдлыг онцлон тэмдэглэв.
Ээлжит зочноор уригдсан доктор, дэд профессор С.Галбадрах “Эдийн засагт даяарчлалын үзүүлэх нөлөө, шинэ сорилтууд” сэдвийн хүрээнд сонирхолтой, өргөн хүрээтэй ярилцлага өрнүүлж, оролцогчдын сонирхсон асуултад хариулт өгсөн юм. Тэрбээр дэлхийн эдийн засгийн өнөөгийн нөхцөл байдал, АНУ болон БНХАУ-ын хооронд өрнөж буй худалдааны зөрчил, татварын бодлого, эдийн засгийн нөлөөлөх бусад хүчин зүйлсийн Монгол Улсын эдийн засагт хэрхэн нөлөөлж байгааг онцлон ярилцав.
Уулзалтад Удирдлагын академийн удирдлагууд, багш, судлаач, албан хаагчид, докторант, магистрантууд болон их дээд сургууль, хувийн хэвшил, иргэний нийгмийн байгууллагын төлөөлөл, судлаачид оролцсон бөгөөд нийт 41 хүн хамрагдав.
“Эртэч хүн” уулзалтад хүрэлцэн ирж, эрдэм мэдлэг, туршлага хуваалцсан эрхэм зочин, идэвхтэй оролцсон нийт багш, ажилтан, суралцагч, уншигч та бүхэндээ талархал илэрхийлье. - Агуулга
- Хамтын ажиллагаа
- Хурал зөвлөгөөн, уулзалт
Export
