“Өрхийн эдийн засагт өндөр насны тэтгэврийн үзүүлж буй нөлөө” сэдэвт захиалгат судалгааны үр дүнгийн хэлэлцүүлэг
- Нэр
- “Өрхийн эдийн засагт өндөр насны тэтгэврийн үзүүлж буй нөлөө” сэдэвт захиалгат судалгааны үр дүнгийн хэлэлцүүлэг
- Өөр гарчиг
- Захиалгат судалгааны үр дүнгийн хэлэлцүүлэг боллоо.
- Огноо
- 2025.11.05
- Төрөл
- Бусад
- Формат
-
Удирдлагын академиас 2025 онд хэрэгжүүлж буй “Өрхийн эдийн засагт өндөр насны тэтгэврийн үзүүлж буй нөлөө” сэдэвт захиалгат судалгааны үр дүнгийн хэлэлцүүлэг 11 дүгээр сарын 05-ны өдөр боллоо. Энэхүү судалгааг Удирдлагын академийн Улсын салбарын удирдлагын тэнхимийн эрхлэгч, дэд профессор Б.Нарантулга, тэнхимийн багш дэд профессор Ч.Эрдэнэчимэг, докторант Л.Ариунболд, ажилтан Б.Батчимэг, Эдийн засаг, санхүүгийн удирдлагын тэнхимийн ахлах багш Б.Ганзориг, Эрх зүйн тэнхимийн ахлах багш С.Ганцэцэг, НДЕГ-ын мэргэжилтэн Б.Энхболор нарын бүрэлдэхүүнтэй баг гүйцэтгэж байна.
Хэлэлцүүлэгт Говь-Алтай, Дорноговь, Өвөрхангай аймгийн төрийн захиргааны байгууллага, ИТХ-ын ажлын алба, Гэр бүл, хөдөлмөр, нийгмийн хамгааллын яам, Нийгмийн даатгалын ерөнхий газар, Нийслэлийн засаг даргын тамгын газрын албан хаагчдын төлөөлөл, Академийн багш, судлаачид, докторантууд танхимаар болон цахимаар оролцлоо.
Хөтөлбөрийн дагуу судалгааны ажлын хүрээнд цуглуулсан өгөгдөл, мэдээлэлд суурилсан шинжилгээний үр дүнг нээлттэй хэлэлцүүлж, судалгааны багийн гишүүд оролцогчдын сонирхсон асуултад дэлгэрэнгүй хариулав. Хэлэлцүүлгийг Удирдахуйн ухааны сургуулийн захирал, профессор Б.Баясгалан удирдан явуулсан ба Эрдмийн зөвлөлөөс томилогдсон гишүүд болох дэд профессор В.Данаасүрэн, дэд профессор Т.Түмэнцогтоо нар санал зөвлөмжөө танилцуулсан болно.
Судалгааны баг хэлэлцүүлгээс гарсан санал, зөвлөмжийг тайландаа тусган сайжруулж, дараагийн шатанд Удирдлагын академийн Эрдмийн зөвлөлөөр хэлэлцүүлэн тайланг хэвлэж, нийтийн хүртээл болгох юм.
Export
