Дотоод аудит байгууллагад хэрхэн үнэ цэн нэмдэг вэ? туршлага, сургамж

Нэр

Дотоод аудит байгууллагад хэрхэн үнэ цэн нэмдэг вэ? туршлага, сургамж

Төрөл

Бусад

Товч тайлбар

"Эртэч хүн" өглөөний ажил хэрэгч уулазлт

Удирдлагын академийн Номын сангаас уламжлал болгон зохион байгуулдаг “Эртэч хүн” өглөөний ажил хэрэгч уулзалт 2026 оны 5 дугаар сарын 29-ний өдөр Удирдлагын академид амжилттай зохион байгуулагдлаа. Энэ удаагийн уулзалтыг Удирдлагын академийн Санхүү, үйлчилгээний албатай хамтран “Дотоод аудитыг сурталчлах сар” аяны хүрээнд зохион байгуулсан юм.
🎤Уулзалтын зочин илтгэгчээр Монгол Улсын Гавьяат эдийн засагч, доктор Б.Батбаяр оролцож, “Дотоод аудит байгууллагад хэрхэн үнэ цэн нэмдэг вэ: Туршлага, сургамж” сэдвээр илтгэл тавив.
🎤Үйл ажиллагааг Удирдлагын академийн Сургалтын бодлого, зохицуулалтын газрын дарга Ц.Энхмандах нээж, оролцогчдод мэндчилгээ дэвшүүллээ. Тэрээр зочин илтгэгчийн мэргэжлийн замнал, төрийн болон олон улсын байгууллагуудад ажилласан арвин туршлагыг онцлон танилцуулсан юм. Доктор Б.Батбаяр нь Соёлын яамны номын сан, ном хэвлэл хариуцсан мэргэжилтнээс ажлын гараагаа эхэлж, Засгийн газрын Хэрэг эрхлэх газар, Төрийн хянан шалгах хороо, Үндэсний аудитын байгууллага зэрэг төрийн байгууллагад удирдах албан тушаал хашиж байсан бөгөөд ЖАЙКА, Азийн хөгжлийн банк, Дэлхийн банкны зөвлөх, Монголын Мянганы сорилтын сангийн Дотоод аудит хариуцсан захирлаар ажиллаж байжээ.
💡Илтгэлийн үеэр дотоод аудитын онолын үндэс, байгууллагын засаглал, эрсдэлийн удирдлага, дотоод хяналтын тогтолцоонд үзүүлэх ач холбогдол, практик хэрэглээний талаар дэлгэрэнгүй танилцууллаа. Түүнчлэн дотоод аудитын тогтолцоог Монгол Улсад нутагшуулах, төрийн байгууллагуудад үр нөлөөтэй хэрэгжүүлэхэд тулгарч буй сорилт, боломжуудын талаар өөрийн туршлага, сургамжид тулгуурлан санал бодлоо хуваалцав.
🤝Уулзалтад оролцогчид илтгэлийн сэдвийн хүрээнд санал бодлоо солилцон, асуулт хариултын хэлбэрээр мэргэжлийн мэдлэг, туршлагаа хуваалцлаа.
Уулзалтын төгсгөлд Удирдлагын академийн захирал, профессор Д.Байгал үг хэлж, “Эртэч хүн” уулзалт нь Академиас олон нийтэд зориулан тогтмол зохион байгуулдаг, мэдлэг түгээх ач холбогдолтой арга хэмжээ болохыг онцлон тэмдэглэлээ. Мөн өглөө эртлэн хүрэлцэн ирсэн оролцогчдод талархал илэрхийлж, доктор Б.Батбаярын дотоод аудитын талаарх илтгэл нь байгууллагын засаглал, хяналтын тогтолцоог сайжруулахад чухал ач холбогдолтойг онцлон тэмдэглэв. Түүнчлэн зочин илтгэгчид дурсгалын зүйл гардуулан өглөө.
Оролцогчид уламжлал ёсоор өглөөний цайгаа хамтдаа ууж, харилцан мэдээлэл, туршлага солилцон, ажил хэрэгч бөгөөд нөхөрсөг уур амьсгалд арга хэмжээг өндөрлүүлэв.

Агуулга

Хамтын ажиллагаа

Хурал зөвлөгөөн, уулзалт

Холбоотой баримт

Эртэч хүн өглөөний уулзалтад Удирдлагын академийн төгсөгч Академич, доктор, профессор Ч.Чимэдрагчаа оролцлоо