“Төрийн захиргаа” ном хэвлэгдэн гарлаа

Нэр

“Төрийн захиргаа” ном хэвлэгдэн гарлаа

Өөр гарчиг

Удирдлагын академид “Төрийн захиргаа” хэмээх шинэ бүтээлийн нээлт 2026 оны 06 дугаар сарын 15-ны өдөр болов. Номын нээлтийн үеэр “Төрийн захиргаа” сэдэвт илтгэлийг номын зохиогчдын нэг болох Монгол Улсын гавьяат багш доктор, профессор Я.Долгоржав хэлэлцүүлсэн нь онцлог байв. Мөн түүнчлэн номын редактор Монгол Улсын гавьяат багш доктор, профессор Ш.Түдэв, Монгол Улсын гавьяат багш доктор, профессор Ш.Батсүх нар нээлтийн үеэр арвин сургамжтай, шинэлэг санаа, сэдэл төрүүлсэн үг хэлж оролцогчдын сонорыг мялаав.
“Төрийн захиргаа” нэртэй энэхүү хамтын бүтээлд буй гурван гол онцлогийг дурдвал:
• Энэ бүтээлийг 20 гаруй багш, судлаачид хамтран бүтээсэн байна. Зохиогч, редакторууд нь Удирдлагын Академийн Төрийн захиргааны тэнхимийн үе үеийн багш, судлаачид төдийгүй улсдаа хүлээн зөвшөөрөгдсөн эрдэмтэд мөн Монгол Улсын төрийн албанд төрөл бүрийн алба хашиж байсан, одоо ч хашиж байгаа практик туршлагатай хүмүүс юм.
• Энэ ном нь 12 бүлэг 41 дэд бүлэгтэй, 47.6 хэвлэлийн хуудас, онол, түүх, практик хосолсон томоохон бүтээл болсноороо онцлог юм. Бүтээлд захиргааны шинжлэх ухааны үүсэл хөгжил, захиргааны байгууллагын үүрэг бүтэц, үйлдэл, үйл ажиллагаа, төрийн бодлого, төрийн алба, төсөв санхүү, ёс зүй, төрийн үйлчилгээ, төрийн захиргааны судалгааны чиг хандлага, захиргааны шинэтгэл гэх мэт өргөн агуулгыг онолын хийгээд практик жишээ, кейс, баримт нотолгоотой тусгажээ.
• Бүтээлийн 12 бүлэгт онолын суурь, дэлхийн хөгжлийн чиг хандлагаас гадна Монгол Улсын төрийн захиргааны онцлог, хөгжлийн түүхэн үйл явц, үе шат, туршлага, сургамж зэргийг онцлон тусгаснаараа энэ талбарт бичигдсэн бусад бүтээлүүдээс онцлог юм. Тиймээс бүтээл бүхэлдээ “Монголын төрийн захиргаа”-г ойлгоход, цаашид гүнзгийрүүлэн судлахад чухал ач холбогдолтой болжээ.

Огноо

2026.06.15

Төрөл

Баримт, зураг

Товч тайлбар

“Төрийн захиргаа” шинэ бүтээлийн нээлтийн ажиллагаанд Конрад Аденаур сан, Койка зэрэг олон улсын байгууллагуудын төлөөлөл, Монгол Улсын төрийн байгууллагууд болон төрийн удирдлага, төрийн захиргааны чиглэлээр мэргэжилтэн бэлтгэдэг томоохон их, дээд сургуулийн багш нар, Төрийн удирдлага, Бодлого судлалаар докторын зэрэг хамгаалуулах зөвлөлийн гишүүд, Удирдлагын академийн багш, судлаачид, магистрант, докторантууд, хэвлэл мэдээллийн байгууллагын төлөөлөл өргөнөөр оролцов.

Агуулга

Хамтын ажиллагаа

Ажилтан, албан хаагчид