Нээлттэй лекц

Нэр

Нээлттэй лекц

Өөр гарчиг

ХБНГУ-ын Потсдамын их сургуулийн профессор Забинэ Күүлманн “Хууль тогтоомжийн хяналтын үндэсний зөвлөл ба ухаалаг цомхон засаглал” сэдвээр нээлттэй лекц уншлаа

Огноо

2024.10.09

Төрөл

Баримт, зураг

Товч тайлбар

Холбооны Бүгд Найрамдах Герман Улс (ХБНГУ)-ын Холбооны Засгийн газрын хууль тогтоомжийн хяналтын үндэсний зөвлөлийн дэд ерөнхийлөгч, Потсдамын Их сургуулийн төрийн захиргаа, менежментийн профессор Забинэ Күүлманн Удирдлагын академийн 100 жилийн ойн хүрээнд зохион байгуулагдах Олон улсын эрдэм шинжилгээний хурал, ёслолын ажиллагаанд оролцохоор манай улсад зочилж байна.
Энэ хүрээнд 2024 оны 10 дугаар сарын 09-ний өдрийн 15 цагт Удирдлагын академиас зохион байгуулдаг уламжлалт нээлттэй лекцийн зочноор уригдан “Хууль тогтоомжийн хяналтын үндэсний зөвлөл ба ухаалаг цомхон засаглал” сэдвээр танилцуулга, ярилцлага хийв. ХБНГУ-ын Холбооны Засгийн газрын хууль тогтоомжийн хяналтын үндэсний зөвлөл нь 2006 оноос эхлэн төрийн хүнд суртлыг бууруулах, хууль, тогтоомжийн чанарыг сайжруулах болон цахим засаглалыг хөгжүүлэх чиглэлээр зөвлөх үндсэн чиг үүрэгтэй Хууль зүйн яамны харьяаллын байгууллага юм. Энэхүү зөвлөл нь шинэ хууль тогтоомж болон захиргааны шийдвэр иргэн, аж ахуйн нэгжид ямар зардлын дарамт үзүүлдэг, эсвэл зардлын хэмнэлт бий болгож байгааг тооцоолон хууль тогтоомж болон захиргааны шийдвэрийг батлахын өмнө санал зөвлөмжөө хүргүүлэн хууль тогтоомж, захиргааны шийдвэрийн чанарыг сайжруулах чиглэлээр зөвлөмж гарган ажилладаг. Түүнчлэн, тухайн хууль, тогтоомж, захиргааны шийдвэр нь цахим захиргааг дэмжиж чадаж байгаа эсэхийг шалгаж зөвлөмж хүргүүлэн ажилладаг байгууллага юм.
Нээлттэй лекцэд Улсын Их Хурлын Тамгын газар, Хууль зүй, дотоод хэргийн яам, Үндэсний аудитын газрын албан хаагчид болон судалгаа, эрдэм шинжилгээний байгууллагуудын эрдэмтэн, судлаачид оролцож ХБНГУ-ын Хууль тогтоомжийн хяналтын үндэсний зөвлөлийн туршлага, үйл ажиллагаатай танилцав. Лекц, ярилцлагын гол сэдэв нь хууль тогтоомжийн чанарыг сайжруулах, хүнд суртлыг бууруулах, шинэ хуулиудыг хэрэгжүүлэхийн өмнөх үнэлгээний асуудлыг хөндөж, хууль тогтоох үйл явцыг хэрхэн сайжруулах талаар идэвхтэй хэлэлцүүлэг өрнүүлэв. Профессор Забинэ Күүлман ярилцлагынхаа төгсгөлд хууль батлахаас өмнө нарийвчилсан төлөвлөлт, зохицуулалтын чухлыг онцолсон бөгөөд дэлхийн улс орнуудын засаглалын тогтолцооны үр ашиг, хариуцлага, ил тод байдлыг өөрчлөх шинэ санаа, шилдэг шийдлүүдийг ярилцсан чухал ач холбогдолтой арга хэмжээ болж өндөрлөлөө.

Агуулга

Гадаад харилцаа

Хамтын ажиллагаа

Хурал зөвлөгөөн, уулзалт