Удирдлагын академийн Сонсогч, төгсөгчдийн холбооны 30 жилийн ойн хүрээнд “Засаглал-2025” Эрдэм шинжилгээний хурал боллоо.
- Нэр
- Удирдлагын академийн Сонсогч, төгсөгчдийн холбооны 30 жилийн ойн хүрээнд “Засаглал-2025” Эрдэм шинжилгээний хурал боллоо.
- Өөр гарчиг
- Удирдлагын академийн Сонсогч төгсөгчдийн холбооны 30 жилийн ойн хүрээнд 2025 оны 12 дугаар сарын 17-ны өдөр төгсөгч, докторант, магистрантуудын судалгаа хийх санал санаачилгыг дэмжих, тэдний эрдэм шинжилгээний ажил гүйцэтгэх ур чадварыг дээшлүүлэх зорилготой “ЗАСАГЛАЛ-2025” Эрдэм шинжилгээний хурал хичээлийн төв байрны 215 тоот танхимд зохион байгуулагдлаа. Шалгаруулалтад нийт 18 судлаач бүтээлээ ирүүлсэн ба нэгдүгээр шатнаас шалгарсан 9 илтгэлийг хэлэлцлээ.
- Огноо
- 2025
- Товч тайлбар
- Тус эрдэм шинжилгээний хуралд магистрант Ц. Сонинбаяр “Төрийн албан хаагчдын ажлаас халшрах хам шинж, стрессийн түвшинг тодорхойлох нь” сэдэвт илтгэлээр I байр эзлэн Удирдлагын академийн нэрэмжит шагнал буюу сургалтын 20 хувьтай тэнцэх тэтгэлгийн эрх, докторант Л.Цэвээнжав “Зах зээлээс алслагдсан байдал ба өрхийн орлого: Монгол улсын жишээн дээр хийсэн туршилтын судалгаа” сэдэвт илтгэлээр II байр эзлэн Сонсогч Төгсөгчдийн Холбооны Ерөнхийлөгчийн нэрэмжит 1 сая төгрөг, докторант М.Мянганбуу “Байгууллагын соёлын судалгааны арга зүйн асуудалд” сэдэвт илтгэлээр III байранд тус тус шалгарч, докторант Ө.Алдармаа “СӨБ-ын байгууллагын удирдах албан тушаалтны харилцааны ур чадварын үнэлгээ” сэдэвт илтгэлээр, магистрант Д.Амартайван, магистрант Н.Лувсан нар “Монгол Улсын хүн амын суурьшлын төлөв байдалд хийсэн шинжилгээ” сэдэвт илтгэлээр тусгай байранд тус тус шалгаран, мөнгөн шагнал, бүтээлийн дээжис болон академиас эрхлэн гаргадаг сэтгүүлүүд дээр бүтээлээ нийтлүүлэх эрхээр шагнуулав. Мөн Сонсогч төгсөгчдийн холбооноос энэхүү Эрдэм шинжилгээний хурал анх удаа зохиогдож байгаа бөгөөд цааш уламжлал болгон жил бүр зохион байгуулна.
Export
