Хамтарсан судалгааны үр дүнг хүлээлгэн өглөө

Нэр

Хамтарсан судалгааны үр дүнг хүлээлгэн өглөө

Өөр гарчиг

Удирдлагын академиас 2025 онд Хил хамгаалах ерөнхий газрын захиалгаар хамтран гүйцэтгэсэн “Монгол Улсын хил орчмын аймаг, сумын нийгэм, эдийн засгийн өнөөгийн байдал, хил хамгаалалтад иргэдийн оролцоо” сэдэвт судалгааны тайланг хүлээлгэн өгөх ёслол боллоо.

Огноо

2026

Төрөл

Баримт, зураг

Товч тайлбар

Ёслолыг нээж, Удирдлагын академийн захирал, доктор, профессор Д.Байгал, Хилийн цэргийн хил судлалын хүрээлэнгийн захирал, хурандаа, доктор А.Ганбилэг нар харилцан үг хэлж, судалгааны тайлангийн хэвлэмэл эх, холбогдох бусад мэдээллийг хүлээлгэн өгөв.
Уг ёслолд Хилийн цэргийн хил судлалын хүрээлэнгийн дэд захирал, хурандаа Г.Цогбадрах, Удирдлагын академийн Судалгаа, эрдэм шинжилгээний албаны дарга, доктор, профессор Я.Бямбаяр, Улсын салбарын удирдлагын тэнхимийн багш, хамтарсан судалгааны багийн ахлагч, доктор, дэд профессор Г.Жаргал нар болон судалгааны багийн судлаачид оролцож, судалгааны ажлын үр дүн, цаашдын хамтын ажиллагааны талаар харилцан яриа өрнүүллээ.
Уг судалгааны хүрээнд Монгол Улсын хил орчмын 14 аймгийн 71 сумын хүн ам, нийгмийн үйлчилгээ, эдийн засгийн сүүлийн 5 жилийн 15 үзүүлэлтээр өгөгдөлд шинжилгээ хийж, хөгжлийн түвшнийг тогтоож, индекс тооцож, өнөөгийн байдлыг тодорхойлов. Түүнчлэн Улсын хил хамгаалалтад иргэдийг оролцуулж ирсэн түүхэн уламжлалыг 5 үед хуваан авч үзэж, Монгол Улсын Үндэсний аюулгүй байдлын үзэл баримтлал, Монгол Улсын төрөөс хилийн талаар баримтлах бодлогын баримт бичигт тусгагдсан үзэл баримтлалын хүрээнд улсын хил хамгаалалтад хил орчмын хүн амын оролцоо, тулгарч буй асуудал, шийдвэрлэх арга замын талаар санал зөвлөмж боловсруулсан юм.

Агуулга

Хамтын ажиллагаа

Гадаад харилцаа

Ажилтан, албан хаагчид