БНСУ-ын төрийн захиргааны институтийн удирдлага, профессорууд удирдлагын академид ажиллав.
- Нэр
-
БНСУ-ын төрийн захиргааны институтийн удирдлага, профессорууд
удирдлагын академид ажиллав. - Өөр гарчиг
-
БНСУ-ын Төрийн захиргааны институтийн ерөнхийлөгч Чой Санг Хан тэргүүтэй зочид энэ сарын 20-22-ны өдрүүдэд Удирдлагын академид ажил хэргийн уулзалт хийж ажиллаж байна.
Уулзалтын эхний өдөр хоёр байгууллагын хамтран хэрэгжүүлсэн “Монгол Улсын төрийн албаны эрхэмж, уламжлал, удирдлагын манлайллын талаарх олон нийтийн төсөөлөл” судалгааны төслийн тайланг хүлээн авах ёслолын үйл ажиллагаа болж Удирдлагын академийн талаас төслийг удирдсан профессор Я.Долгоржав, БНСУ-ын Төрийн захиргааны институтийн талаас ерөнхийлөгч, доктор Чой Санг Хан нар монгол, англи, солонгос хэл дээр хэвлэгдсэн судалгааны тайлангаа солилцлоо.
Мөн Удирдлагын академи, БНСУ-ын Төрийн захиргааны институт хоорондын хамтын ажиллагааны санамж бичигт Удирдлагын академийн захирал, дэд профессор Д.Сүрэнчимэг, БНСУ-ын Төрийн захиргааны институтийн ерөнхийлөгч, доктор Чой Санг Хан нар гарын үсэг зурав.
Эхний өдөр зохион байгуулсан хамтарсан семинарын хөтөлбөрийн дагуу Удирдлагын академийн Удирдахуйн ухааны сургуулийн захирал, профессор Б.Баясгалан Удирдлагын академийн сургалт, судалгаа, зөвлөх үйлчилгээний өнөөгийн байдал, энэ талаар цаашид хоёр байгууллагаас хийх боломжит ажлын чиглэлийн талаар товч танилцуулсан бол, БНСУ-ын Төрийн захиргааны институтийн дэд захирал, доктор И До Сук Төрийн захиргааны институтийн хэрэгжүүлдэг судалгаануудын талаар мэдээлэл хийж Удирдлагын академийн багш, ажилтнуудын асуултанд хариулан, хамтын ажиллагааны боломжийн талаар яриа өрнүүллээ.
Семинарын дараа цаашдын хамтын ажиллагааны хүрээ, 2024 онд хийх ажлуудын талаар хоёр байгууллагын удирдлагууд дугуй ширээний ярилцлага хийлээ.
Уулзалтын 2 дахь өдөр Удирдлагын академийн багш, ажилтан, докторантууд болон төрийн захиргааны байгууллагуудын албан хаагчдад “БНСУ-Монголын хамтын ажиллагаа” сэдвээр БНСУ-ын Төрийн захиргааны институтийн ерөнхийлөгч, доктор Чой Санг Хан, “Засгийн газрын гүйцэтгэлийн үнэлгээ: БНСУ-ын бодлогын үйл явц (Төлөвлөлтөөс үнэлгээ хүртэл)” сэдвээр зочин судлаач, доктор И Рюнь Жү, “БНСУ-ын зохицуулалтын инноваци” сэдвээр доктор Хун Сюн Хунь нар илтгэл хэлэлцүүлж байна.
- Огноо
- 2024
- Төрөл
- Баримт, зураг
- Товч тайлбар
-
БНСУ-ын төрийн захиргааны институтийн зочид засгийн газрын хэрэг эрхлэх газрын төлөөлөлтэй уулзлаа
БНСУ-ын Төрийн захиргааны институтийн ерөнхийлөгч Чой Санг Хан тэргүүтэй эрдэмтэн судлаачид 2024 оны 02-р сарын 20-22-ны өдрүүдэд Академид зочилж ажил хэргийн уулзалт хийж сургалт, семинар зохион байгуулсан.
Энэхүү албан айлчлалынхаа хүрээнд ЗГХЭГ-ын дэд дарга Д.Батбаатар тэргүүтэй албаны хүмүүстэй уулзлаа. Уулзалтаар төрийн албаны хүний нөөцийн бодлого, сургалт, хөгжлийн асуудлаар хоёр улсын Засгийн газрын түвшинд хамтарч ажиллах, төсөл хөтөлбөр хэрэгжүүлж хоёр улсын энэ асуудлыг хариуцдаг сургалт, судалгааны байгууллагууд болох Удирдлагын академи, БНСУ-ын Төрийн захиргааны институт манлайлж ажиллахаар тогтлоо.
Тус уулзалтад Удирдлагын академийн захирал, дэд профессор Д.Сүрэнчимэг, мөн Академийн Удирдахуйн ухааны сургуулийн захирал, профессор Б.Баясгалан нар оролцож 2024-2025 онд хэрэгжүүлэх хамтарсан судалгаа, төсөл хөтөлбөрийнхөө талаарх мэдээллийг өгөв. Уулзалтын үеэр ЗГХЭГ-ын дэд дарга, ноён Д.Батбаатар Монгол Улсын төрийн албаны шинэчлэлийг хэрэгжүүлэхэд БНСУ-ын Төрийн захиргааны институт (КИПА)-ийн оруулж байгаа хувь нэмрийг өндрөөр үнэлж цаашид ЗГХЭГ болон Удирдлагын академийн чадавхыг бэхжүүлэхэд чиглэсэн техник туслалцааны төсөл хэрэгжүүлэх боломжийг судалж үзэх хүсэлтийг тавьсан. - Агуулга
- Гадаад харилцаа
- Хамтын ажиллагаа
- Хурал зөвлөгөөн, уулзалт
- Ажилтан, албан хаагчид
- Media
-
481264300_948801250760558_9166988449819630391_n.jpg -
480790531_948801300760553_787547389712467089_n.jpg -
481953254_948801297427220_9070298887367840920_n.jpg -
481206942_948798260760857_3799022622469280967_n.jpg -
482025362_948798490760834_8601539654348411323_n.jpg -
481767328_948798317427518_6796525383715615485_n.jpg -
480793133_948798720760811_4735588249373429856_n.jpg -
480918555_948798257427524_1857895976706064208_n.jpg
Export
